1 Bâm 16:16 - BIBLIYA NTAGATIFU OMU MASHI

¹⁶ Engabo zamanya omwanzi mpu: «Zimuri anagomire, ayîsire na mwâmi.» Olwo lusiku lwonênè omwôla cirâlo banali, bene Israheli banaciyîmika Omuri, bamuyambika ishungwè ly’obwâmi, ye wali murhambo mukulu kulusha w’abalwî.

1 Bâm 16:16 ပူးပေါင်းရင်းမြစ်များ

1 Bâm 15:27

Basha mugala w’Ahiya w’omu mulala gw’Isakari ahiga okumurhêra; Basha amuhimira aha Gibetoni lwàli lugo lw’Abafilistini erhi Nadabu boshi n’Israheli badwîrhe balwisanya.

1 Bâm 16:15

Omu mwâka gwa kali makumi abirhi na nda gwa Asa, mwâmi w’e Yûda, Zimuri ayambal’ishungwè nsiku nda aha Tirsa. Ago mango erhi engabo zitwîre ecirâlo zirhezire Gibetoni wali wa Bafilistini.

1 Bâm 16:17

Omuri n’engabo ya bene Israheli boshi baleka Gibetoni bagend’igorha Tirsa.

1 Bâm 16:30

Ahabu mugala wa Omuri agayîsa Nyakasane kulusha balya boshi bamushokoleraga.

2 Bâm 8:26

Akhaziyasi ali agwêrhe myâka makumi abiri erhi abà mwâmi, ayîma mwâka muguma aha Yeruzalemu. Nina ye wali Ataliya, mwa-Omuri mwâmi w’Israheli.

2 Nganîro 22:2

Ali akola agwêrhe myâka makumi anni n’ibirhi amango abâga mwâmi, anaciyîma mwâka muguma aha Yeruzalemu. Nina izîno lyâge ye wali Atalia, mwâli wa Omuri.

Mikeyo 6:16

Bulya wakulikire olwiganyo lw’amarhegeko ga Omuri, na ngasi ngeso z’omu nyumpa ya Ahabu; mudwîrhe mwayiganya okwâbo kwoshi kwoshi; kwarhuma nakuhindula bigûkà, n’abantu bâwe bashube ba kuhâbwa olwôho. Lyo mwabarhula ebijâci abantu bâni bajâcîrwe.