1 Bâm 15:4 - BIBLIYA NTAGATIFU OMU MASHI

⁴ Ci kwônene Daudi arhuma Nyakasane Nyamuzinda wâge, amuhà akamole aha Yeruzalemu, omu kuyîmika omugala enyuma zâge n’omu kulanga Yeruzalemu.

1 Bâm 15:4 ပူးပေါင်းရင်းမြစ်များ

Murhondêro 12:2

Nakujira ishanja linene, nakugisha n’izîno lyâwe lije irenge, lyabà mugisho!

Murhondêro 19:29

Ntyo ago mango, Nyamuzinda ashâbaga ebishagala by’omu kabanda, akengêra Abrahamu, akûla Loti muli obwo buhanya, erhi akola ashanda ebishagala Loti ayubakagamwo. Obûko bwa bene Mowabu n’obwa bene Amoni.

Murhondêro 26:5

Kulya kubà Abrahamu ayumvîrhe izù lyâni, akulikira ebi nalimurhegesire okukulikira, amarhegeko gâni, ebinwa byâni, obulonza bwâni.

2 Samweli 21:17

Abishayi mugala wa Seruya ayisha akola al’irhabâla Daudi, atumirha olya Mufilistini amuyîrha. Okubundi abantu ba Daudi banacimulahiriza mpu: «Ntà mango wanaciyîshe mpu rhujè oku matabâro rhweshi, ntyo olek’izimya akamole ka Israheli».

1 Bâm 11:12

Cikwônene ntajire ntyo omu nsiku z’akalamo kâwe, erhi sho Daudi orhuma omu maboko ga mugala wâwe nayîsh’ibukûla.

1 Bâm 11:32

Asigalana ishanja liguma erhi mwambali wâni Daudi orhuma, na Yeruzalemu lugo nacîshogaga omu mashanja ga bene Israheli goshi:

1 Bâm 11:36

Nahà omugala ishanja liguma, lyo mwambali wâni Daudi akayôrha agwêrhe akamole kayâsire embere zâni aha Yeruzalemu, cishagala nacîshogaga nti mpiremwo izîno lyâni.

2 Nganîro 21:7

Ci Nyamubâho arhalonzagya okuherêrekeza omulala gwa Daudi, erhi erya ndagâno ajiraga boshi na Daudi erhuma, na kandi kulyâla kubà alimubwîzire oku akaziyôrha amuhà akamole, kuli ye yêne n’oku bagala.

Ennanga 132:17

Eyo munda yo nâmereza Daudi ihembe, nnankolêgeze omushîge wâni akamole.

Ennanga 18:28

Nêci we ciza olubaga lw’abîrhôhye, onahonye amasù g’abacîbona.

Ennanga 87:5

Na hano bakola baderha Siyoni, mpu: «Boshi na boshi yo baburhwa», mpu: «Ow’Enyanya yêne wayûbakaga Siyoni.»

Izaya 14:32

Kurhigi bashuza entumwa z’olwo lubaga? Oku Nyakasane ye wayûbakaga Siyoni, mwo abakenyi b’omu lubaga lwâge bakâyâkira.

Izaya 37:35

“Nafungira eci cishagala nnaciyôkole, irenge lyâni lirhumire na mwambali wâni Daudi orhumire”».

Izaya 62:7

Murhamulekaga aluhûka, kuhika ashub’iyûbaka Yeruzalemu, kuhika ashub’imujira irenge ly’igulu.

Izaya 9:7

Nyakasane arhumire Yakôbo akanwa, karhinda kuli Israheli.

Yeremiya 33:2

Oyumve oku Nyamuzinda arhumire, ye walemaga igulu, alibumba analiyimanza. Izîno lyâge ye Nyakasane!

Mateyo 16:18

Yumva nkubwîre oku oli Ibuye na kuli eryo ibuye nayûbakakwo Ekleziya yâni, n’amâmi g’ekuzimu garhakayihima.

Luka 2:32

bulangashane bw’okumolekera amashanja goshi n’irenge ly’olubaga lwâni lw’Israheli».

Yowane 8:12

Yezu ashub’ibabwîra, erhi: «Nie kamole k’igulu; onkulikire arhankage­nda omu mwizimya, ci abà n’obumoleke bw’obuzîne».

Barom 11:28

Nêci, rhukalola Emyanzi y’Akalembe, bali bashombanyi erhi mwe mu­rhuma; ci rhukalola okubacîshogagwa, bali barhonyi erhi bashakulûza bâbo bàrhuma.

Lushika 4:37

Kubà ali azigîre basho, n’okubà acîshozire iburha lyâbo enyuma zâbo, kwarhumire akurhenza e Mîsiri anakuyêrekana okubâho kwâge n’obuhashe bwâge.

Mafulûlo 22:16

Niene Yezu nie narhumaga Malahika wâni nti ammubwîre ebyo binwa biyêrekîre ezo Ekleziya. Niono ndi muzî ndi na bûko bwa Daudi; nie nyenyêzi y’esêzi yalangashana.