1 Bâm 12:31 - BIBLIYA NTAGATIFU OMU MASHI

³¹ Yerobwâmi ajà ayûbaka empêro oku ntondo, n’ahâli ezôla mpêro ajà ahiraho abadâhwa ajaga arholêreza omu lubaga konene abarhali bene-Levi.

1 Bâm 12:31 ပူးပေါင်းရင်းမြစ်များ

1 Bâm 13:24

Entale yanacimushanga omu njira yanacimuyîrha; omugogo gwâge gwalambûkira oku idaho, endogomi yâge yanacimubêra aha burhambi n’erya ntale aha bundi burhambi bwa gulya mugogo.

1 Bâm 14:23

Nabo bayûbaka empêro omu birhwa, bagwîka amabuye n’orhugombe oku ngasi hirhondo n’idako lya ngasi murhi mubishi.

2 Bâm 17:28

Mudâhwa muguma muli balya barhenzibagwa e Samâriya ayisha ayûbaka aha Beteli, akabayigîriza kurhi bankarhînya Nyamubâho.

2 Bâm 17:29

Ci konene okwôla kurhahanzagya ngasi ishanja okujira ngasi liguma omuzimu walyo n’okukabahira omu mpêro Abanya-Samâriya bayûbakaga omu birhwa, ngasi ishanja omu cishagala lyanayûbakaga.

2 Bâm 17:32

Ci kwône baharâmya na Nyamubâho, ntyo barhôla baguma muli bo babajira badâhwa b’okukabarherekêrera omwôla birhwa.

2 Nganîro 13:9

“Ka murhajandikaga, abadâhwa ba Nyamubâho, bagala ba Aroni, n’abaleviti, ka murhajira abinyu badâhwa aka ezindi mbaga z’omu cihugo? Ngasi wayishire n’empanzi y’omucûkà na ngandabuzi nda mpu naye bamuyîmike mudâhwa, akola abà mudâhwa w’irumbi mpu Nyamuzinda”.

Ezekiyeli 16:25

Aha ngasi mashango wajà wayûbaka ho oluhêro lw’okuzinza obwinjà bwâwe n’okuhâna omubiri gwâwe emwa ngasi wagera; wayûshûla ntyo okuhemuka kwâwe.

Hozeya 12:11

Nabwira abalêbi, nayûshûla amalêbi, n’abalêbi bo bâderhamwo emi­gâni.

Amosi 7:10

Lêro Amaziyasi, mudâhwa w’e Beteli, àrhuma mpu babwîre Yerobwâmi, mwâmi w’Israheli, erhi: «Amosi adwîrhe akulega omu nyumpa y’Israheli; ecihugo cirhankacilembera ebinwa byâge.

Mibalè 3:10

Wayîmika Aroni n’abagala omu mikolo y’obudâhwa; owundi w’embuga wankacîshomya mpu ayêgera ahantu himâna anahâbwe obuhane bw’okufà.» C. Okucîshogwa kwâbo

Lushika 24:15

Okwânîne omuhè ngasi lusiku oluhembo lwâge, orhanazigaga izûba lyazika arhalubona; bulyâla ali mugalugalu n’omurhima kwo gumuli kw’olwo luhembo. Na ntyo arhakuhamagaliri Nyamuzinda, obone camabà câha.