1 Bâm 10:25 - BIBLIYA NTAGATIFU OMU MASHI

²⁵ Na ngasi wanakazâg’iyisha yêshi akayisha amurhûzire ebirugu by’amarhale n’arnasholo, emishangi, emirasano, enshangi, ebiterusi, ebihêsi, ntyo ngasi mwâka.

1 Bâm 10:25 ပူးပေါင်းရင်းမြစ်များ

Murhondêro 36:24

Alaga bene Sibeoni: Aya, Ana, oyu Ana y’olya wabandanaga amishig’amahyuza omu irungu erhi ayâbwîre endogomi z’îshe Sibeoni.

2 Samweli 8:10

arhuma omugala Yorami mpu agend’ilamusa Daudi anamuvuge omunkwa bulya anatuzirekwo Hadadezeri entambala anamuhima, bulya Toî na Hadadezeri barharhenzanyagyakwo ntambala; Yorami ayisha adwîrhe orhubêhè n’ebindi byankizo by’amasholo n’amarhale abisholôlera Daudi.

2 Samweli 8:2

Ahima n’abantu b’e Mowabu, boshi abagwishiza oku idaho anabalambûlira kwo omugozi. Baguma abalambûlirakwo migozi ibirhi, erhi bo bafà abâla, abandi abalambûlirakwo omugozi mugumagumà erhi mwe ntacimuyîrhe mwâlama. Ntyo abôla banya Mowabu bashuba bajà ba Daudi, abagwâsirwe okukamurhûla eby’omushigo.

1 Bâm 1:33

mwâmi anaciderha, erhi: «Murhôle bambali ba Nnâhamwinyu, mushoneze mugala wâni Salomoni oku cihêsi câni mumuyandagalize e Gihoni;

1 Bâm 10:10

Anacirhûla mwâmi talenta igana na makumi abirhi za masholo, enshangi mwandu n’amabuye g’engulo ndârhi. Harhal’isâg’ibonekana enshangi nyinganaho nk’ezîra mwamikazi w’e Saba arhûlaga mwâmi Salomoni.

1 Bâm 18:5

Ahabu abwîra Obadyahu, erhi: «Kanya obone! Rhusâgarhe ecihugo coshi, rhuj’ebwa nshôko z’enyîshi zoshi, akanaba rhwabona ebyâsi byalamya ebiterusi n’ebihêsi rhuleke okubibâga.»

1 Bâm 5:1

Ago mango erhi Salomoni arhegesire amâmi goshi kurhenga oku lwîshi kuhika emwa Abafilistini, na kuhika oku lubibi lw’e Mîsiri. Bakaz’ilêrha e ntûlo yâbo n’okukolera Salomoni amango goshi ali oku bwâsi.

2 Bâm 17:4

Okuhandi oyo mwâmi w’e Asîriya, abona oku hali obugoma emunda Hozeya ali, owarhumaga entumwa emwa Sayisi, mwâmi w’e Mîsiri, na kulya kubà arhacihongaga ebwâmi, nk’oku anakômereraga okujira eyindi myâka; oyo mwâmi w’e Asîriya amugwârha amuhira omu mpamikwa.

2 Nganîro 26:8

Abanya-Amoni bakazirhûla Uziyahu, n’irenge lyâge lyahika cingana aha muhango gw’e Mîsiri, ebwa kubà ali akola agwêrhe emisî bwenêne.

2 Nganîro 9:24

na ngasi muguma akazâg’iyisha adwîrhe ebirugu byâge by’oluhembo, ebirugu by’amarhale, eby’amasholo, emyambalo, emirasano, amakù, enfarasi n’endogomi, ntyo ngasi mwâka.

Ezra 2:66

Bali bagwêrhe nfarasi magana gali nda na makumi asharhu na ndarhu, ndogomi magana abirhi na makumi anni na irhanu;

Esteri 8:10

Ago maruba gayandikagwa oku izîno lya mwâmi Asuerusi ganajakwo ehigondo hyâge, gahêkwa n’abarhumisi bashonyire oku nfarasi nyinjà ya mwâmi.

Esteri 8:14

Abahêkaga amaruba bagenda n’engâlè z’ebwâmi, bakanyîriza bwenêne, bulya kw’irhegeko lya mwâmi lidesire. Elyôla irhegeko lyanacimanyisibwa omu Suza kwo kali karhwa-bwâmi.

Ayubu 42:11

Okubundi ashub’ibona bene wâbo, bâli bâbo boshi n’abîra bâge b’embere boshi bayishiyagalukira emunda ali. Bakaz’ilîra boshi haguma omu nyumpa yâge. Boshi bakazimulakira n’okumurhûliriza, kuli agwo malumwa goshi Nyakasane àlimurhumîre. Ngasi muguma akazimusholôlera: ow’enfaranga n’ow’ehigôndo hy’amasholo.

Ennanga 68:29

Rhegeka Nnâmahanga, rhegeka obuzibu bwâwe, rhegeka erya misî warhulwîragamwo, Yâgirwa Nnâmahanga.

Ennanga 72:10

Abâmi b’omu Tarsisi n’ab’omu birhwa bâmurhûla entûlo, abâmi b’e Saba n’ab’e Seba bamusholôlera.

Ennanga 72:15

Kulama âlama, bakaz’imurhûla amarhale g’e Buharâbu, bakaz’imusengera burhahusa, bamugishe ensiku n’amango.

Izaya 36:16

“Murhayumvagya Hizkiyahu, bulya kwo adesire ntyâla omwâmi w’e Asîriya: Mukome obwîra nâni, munacîlerhe mwene emunda ndi, lyo ngasi muguma muli mwe ahash’ilya oku muzâbîbu gwâge na lyo ngasi muguma muli mwe ahash’ilya oku mulehe gwâge, lyo ngasi muntu ahash’inywa oku mîshi g’omu iriba lyâge”

Izaya 66:20

Barhenza bene winyu boshi ebw’amashanja goshi, babalêrhe nka nterekêro yarhûlwa Nyakasane: bâyisha oku biterusi, oku ngâlè, oku bitanda, oku ndogomi n’oku ngamiya, baj’ebwa ntondo yâni ntagatîfu, e Yeruzalemu, kwo adesire Nyakasane; na bene Israheli bâyisha badwîrhe entûlo omu rhulugu rhwinjinja, bazihêke omu ka-Nyamuzinda.

Ezekiyeli 27:14

Abantu b’e Beti-Togarma bakazâgikulerhera enfarasi, n’enfarasi zâbo z’oku­ja oku matabâro kuguma n’endogomi.

Mateyo 2:11

Bajà omu nyumpa, barhimâna omwâna bo na nnina Mariya; banacifukama, baharâmya. Bashanûla emihako yâbo, banacimurhûla obuhirhi bwâbo: amasholo, enshangi n’obukù.

Bacîranuzi 3:15

Bene Israheli banacilakira emunda Nyakasane ali, naye Nyakasane anacizûsa muli bo omuyôkozi, ye Ehudi, mugala wa Gera, wa muli bene Benyamini, àli wa kuboko kulyo kuhozire. Bene Israheli banacimurhuma mpu ahêke oluhembo emwa Egloni, mwâmi w’e Mowabu.

1 Samweli 10:27

Ci kwônene abâli babî, bene Beliali (Shetani mumînya) bakacîduduma, mpu: «Kurhi oyûla ayishirhuyôkola?» Bamugayaguza bwenêne, ciru barhaderhaga mpu bankamurhûla kantu kalebe. Ci yêhe acîhulikirira.