1 Bâm 1:7 - BIBLIYA NTAGATIFU OMU MASHI

⁷ Banaciganîra boshi na Yowabu mugala wa Seruya n’omudâhwa Abiyatari, banacirhabâla engabo ya Adoniyasi.

1 Bâm 1:7 ပူးပေါင်းရင်းမြစ်များ

2 Samweli 15:12

Erhi babà bakola badwîrhe barherekêra, Absalomu alîka ntumwa yâge ej’ihamagala Ahitofeli, Munyagilo wayûbakaga omu cishagala câge ca Gilo, abâga muhanûzi mukulu wa Daudi. Ntyôla obugoma bwajà bwakula bwenêne n’olubaga lwakazâg’ishiga Absalomu lwajà lwayûshûka bwenêne.

2 Samweli 15:35

“K’eyôla munda orhashimâne eri abadâhwa Sadoki na Abiyatari na ngasi ebi wankayumva ebwâmi, wanagend’ibimanyîsa abôla badâhwa Sadoki na Abiyatari”.

2 Samweli 20:23

Yowabu ye wali murhambo w’engabo y’abalwî omu bene Israheli boshi, Benaya mugala wa Yehoyada ali murhambo w’Abakereti n’Abapeleti.

2 Samweli 20:25

Sadoki na Abiyatari bo bali badâhwa.

2 Samweli 8:16

Yowabu mugala wa Seruya, ye wali murhambo kashala w’abalwî ba Daudi, naye Yehoshafati mugala wa Ahiludi ye wali murhindisi w’emyandiko.

1 Bâm 2:22

Mwâmi Salomoni anacishuza abwîra nnina, erhi: «Cirhumire ôbà Abishagi w’Omusunamiti ye ohûnira Adoniyasi? Muhûnire obwâmi erhi bwo bulya ali mukulu wâni, n’abadâhwa Abiyatari, na kuli Yowabu, mugala Seruya bali kuli ye».

1 Nganîro 11:6

Daudi àlidesire, erhi: «Omurhangiriza wankayîrha Muyebusi muguma ye wabà murhambo mukulu w’abalwî.» Yowabu, mugala wa Seruya, abà ye rhangikoza, ye wanabirage murhambo mukulu w’engabo y’abasirika.

1 Nganîro 27:34

Yehoyada, mugala wa Benaya, na Abiyatari, bo bàjîre ahâli ha Ahitofeli okubà bahanûzi ba mwâmi. Naye Yowabu ye wali murhambo mukulu w’emirhwe yoshi y’abasirika ba mwâmi.

Ennanga 2:2

Abâmi b’igulu bamâhuluza engoma, nabo abaluzi bamâja ihano mpu bagomere Nnâmahanga n’omwîshogwa wâge.