1 Bakorinti 9:20 - BIBLIYA NTAGATIFU OMU MASHI

²⁰ Omu Buyahudi nacîjizire Muyahudi, nti lyo ncungula Abayahudi. Omu bantu barhegekwa n’Irhegeko, nacîjira muntu w’Irhegeko, n’obwo ntali w’Irhegeko, nti lyo ncungula abarhegesirwe n’Irhegeko.

1 Bakorinti 9:20 ပူးပေါင်းရင်းမြစ်များ

Ebijiro 16:3

Paolo anacihiga mpu bagendane. Amuyanka, amukembûla erhi Buyahudi bâli mw’eco cihugo bàrhuma; bulya boshi bâli bamanyire oku îshe abà Mugereki.

Ebijiro 18:18

Paolo ashubijira zindi nsiku zirhali nyi e Korinti, okuhandi asêzera bene wîrhu, aj’omu bwârho, ayikirira e Sîriya bona Prishila na Akwila. Ali erhi anamômirwe emviri zoshi e Cenkri, bulya àli ajizire e ciragâne.

Barom 11:14

nti lyo nzûsa obumvu bwa bene wîrhu b’ishanja lyâni, nnambacungulemwo baguma-baguma.

Barom 3:19

Rhurhanahabiri oku ebiri omu Ndagâno ya mîra byoshi biyêrekîre abayihâbagwa, lyo ngasi kanwa kahulika, lyo na ngasi muntu abona oku ali mubî embere za Nyamuzinda.

Bagalasiya 2:19

Kali oku burhabâle bw’Irhegeko, nafîre, narhenzibwa omu lukoba lw’irhegeko, nti lyo ndamira Nnâmahanga: nabambirwe oku musalaba haguma na Kristu;

Bagalasiya 4:21

Mbwîragi nâni, mwe mwalonza okushub’ishwêkwa n’Irhegeko, ka murhasâg’iliyumva eryo Irhegeko?

Bagalasiya 4:5

mpu lyo acungula abàli bashwêsirwe n’Irhegeko, anarhujire bâna ba Nyamuzinda.

Bagalasiya 5:18

Ci kwône erhi mwankakulikira Mûka Mutagatîfu, murhaciri omu bujà bw’Irhegeko.