1 Bakorinti 9:19 - BIBLIYA NTAGATIFU OMU MASHI

¹⁹ Nêci, n’obwo nali ntagengwa oku bantu boshi, nacîjizire mujà wa boshi, nti lyo ncungula banji bwenêne.

1 Bakorinti 9:19 ပူးပေါင်းရင်းမြစ်များ

Migani 11:30

Emburho y’obushinganyanya yo emerakwo omurhi gw’akalamo enkola-maligo zàhêkwa n’amango garhajihika.

Mateyo 18:15

Erhi mwene winyu ankajira kubî, ogende, omujeho, omukalihire wêne naye. Akakuyumva, erhi wagalwîre mwene winyu.

Barom 1:14

Ndi muntu w’Abagereki nk’oku ndi w’abashenzi, ndi w’abasomire n’ow’abahwinja.

Barom 11:14

nti lyo nzûsa obumvu bwa bene wîrhu b’ishanja lyâni, nnambacungulemwo baguma-baguma.

Barom 15:2

Ngasi muguma muli rhwe alonze okusîmîsa abâbo omu kujira aminjà n’omu kuhâna olwiganyo lwinjà.

1 Bakorinti 10:29

Omurhima ndesire, gurhali ogwâwe, ci ogw’owundi. Bulya cici cankarhuma nie ntagengwa narhegekwa n’omurhima gw’owundi muntu?

1 Bakorinti 10:33

nk’okûla niono ncîsêza okusîmîsa boshi omu ngasi kantu. Ntalonza bunguke bwâni, ci bunguke bwa banji, nti lyo bacunguka.

1 Bakorinti 7:16

K’omanyire, we mukazi, erhi wâciza balo? K’omanyire, we mulume, erhi wâciza mukâwe?

1 Bakorinti 9:1

Ka ntali ntagengwa? Ka ntali ntumwa? Ka mwoyo murhali mulimo gwâni muli Nyakasane?

2 Bakorinti 12:14

Bukola bwa kasharhu obu ncîrheganyize okujà emwinyu, ntanammuzidohere. Arhali abâna bo bagwâsirwe babîkire ababusi. Ci ababusi bo babîkira abâna bâbo.

2 Bakorinti 4:15

N’ebyo byoshi mwe bibêra, mpu lyo enshôkano nyinji kulusha erhuma omunkwa gwaluga, gunaluze abaguvuga, lyo Nyamuzinda ajà irenge.

2 Bakorinti 4:5

Bulyâla arhali rhwêne rhuja rhwaciderha, ci Nyakasane Yezu Kristu rhuja rhwamanyîsa. Rhwêhe rhuli barhumisi binyu, erhi buzigire bwa Yezu Kristu burhuma.

Bagalasiya 5:1

Kristu arhurhenzize omu bujà mpu lyo rhubà bantagengwa. Muzibuhage, mumanye mwankacicîshubiza omu muzigo gw’bujà.

Bagalasiya 5:13

Mwêhe, bene wîrhu, mwahamagîrwe mpu mubè ntagengwa. Ci mumanye okwo kubà ntagengwa kurhabâga igwârhiro ly’okushimbulira amasîma g’omu­biri; ci ngasi muguma akarhumikira abâbo omu buzigire.

1 Timoteyo 4:16

Ocîmanye wêne, omanye n’enyigîrizo zâwe; onazisêrekwo. Okajira ntyo, wacîciza wêne, onacize abakuyumvirhiza.

2 Timoteyo 2:10

Okwo kwo kurhuma ndembera amalibuko goshi abîshogwa barhumire, nti lyo nabo babona obucire bubà muli Kristu Yezu haguma n’irenge ly’ensiku n’amango.

1 Petro 3:1

Ntyôla, ninyu mwe bakazi, mukâyumva babalo, lyo ciru hankajira abarhalonza okuyêmêra Oluderho, balêrhwa n’olwiganyo lwa bakâbo buzira binwa,