1 Bakorinti 8:6 - BIBLIYA NTAGATIFU OMU MASHI

⁶ kwône kuli rhwe rhwêne hali Nyamuzinda muguma yêne, ye Larha, ye na cisisi c’ebintu byoshi, ye mwanalemeragwa, na Nyakasane muguma yêne, ye Yezu Kristu, orhuma byoshi bihabà, onarhuma rhuhabà.

1 Bakorinti 8:6 ပူးပေါင်းရင်းမြစ်များ

Izaya 46:9

Kengêri ebyàbîre kurhenga amango ga mîra, bulya nie Nyamuzinda, ntà wundi. Nie Nyamuzinda, ntà wundi oli akâni.

Yeremiya 10:6

Orhagerwa ndi Nyakasane, oli mukulu, liri likulu izîno lyâwe ligala byoshi.

Yeremiya 10:7

Ndi orhankakurhînya, mwâmi w’amashanja? Nêci, oli wa kurhînywa! Bulyâla omu bagula b’amashanja boshi, n’omu mâmi gâbo goshi, ntâye bakakugererakwo.

Yônà 1:9

«Ndi Muyahudi, Nyamuzinda mparâmya, Lulema w’empingu n’igulu, owalemaga enyanja n’obudaka.»

Malakiya 2:10

Ka rhweshi rhurhajira larha muguma? K’arhali Nyamuzinda muguma wa­ rhulemaga rhweshi? Cirhumaga rhucilyâlihirana rhwêne na nnene omu kuvuna endagâno yàfundikagwa haguma na Nyamuzinda na bashakulûza bîrhu?

Mateyo 11:27

“Nahîrwe byoshi na Larha, na ntâye omanya Omugala arhanali Îshe, na ntâye wankamanya Nyamuzinda-Îshe arhanali Mugala, erhi oyu Omugala alonzize okumufulûliraye”».

Mateyo 28:18

Yezu anacibashegeraho, ababwîra, erhi: «Obuhashe bwoshi bw’omu mpingu n’obw’igulu nabuhîrwe.

Yowane 1:10

Ali en’igulu, n’igulu ye waliremaga, n’igulu lirhamumanyaga.

Yowane 1:3

Byoshi ye wabijiraga, n’omu biremwa byoshi, ntâco calemirwe cirhanalemirwi naye.

Yowane 10:30

Larha na nâni rhuli muguma».

Yowane 13:13

Kwo munderha mpu Muyigîriza na Nyakasane, n’okwo muderha kwo binali, bulya ndi ye.

Yowane 14:20

Olwo lusiku mwâmanye oku ndi muli Larha, n’oku ninyu muli muli nie, n’oku nâni ndi muli mwe.

Yowane 17:3

Akalamo k’ensiku n’amango kuli kukumanya, w’oyo Nyamuzinda w’okuli wênene, n’oyu warhumaga, Yezu Kristu.

Yowane 20:17

Yezu amubwîra, erhi: «Orhampumagakwo, bulya ntaj’irheremera emwa Larha. Ci ojage emunda bene wîrhu bali, obabwîre oku nteremîre emwa Larha na Sho, emwa Nyamuzinda wâni na Nyamuzinda winyu».

Ebijiro 17:28

“bulya ye rhukulamwo obuzîne, n’okugenda n’okubâho, kulya baguma b’omu basâka-binwa bàdesire, mpu”: “Rhuli b’omu bûko bwâge”.

Ebijiro 2:36

“Kuziga bene-Israheli boshi bamanyage bwinjinjà oku olya Yezu muzind’ibamba oku musalaba, Nyamuzinda amujizire Nyakasane na Mucunguzi”».

Ebijiro 5:31

Y’oyo ye Nnâmahanga, oku buhashe bw’okulyo kwâge, ajizire mwâmi na Muciza, mpu lyo Israheli acîyunjuza anababalirwe ebyâha.

Barom 11:36

Bulya byoshi emwâge birhenga, ye rhuma bihabà, binabà byâge. Ajè irenge emyâka n’e­myâka. Nêci, ntyo!

1 Bakorinti 1:2

oku Ekleziya ya Nyamuzinda eri e Korinti, kuli balya bacêsibwe muli Yezu Kristu, bahamagalwa mpu babè batagatîfu haguma na balya boshi baderha izîno lya Nyakasane Yezu Kristu, Nnâmahanga wîrhu na Nnâhamwâbo, ngasi aha bali boshi.

1 Bakorinti 12:3

Co cirhumire nammubwîra­kwo: ntà muntu wankabà adwîrhe aderhezibwa na Mûka gwa Nyamuzinda akabul’iderha mpu «Yezu akahera», na ntâye wankaderha mpu «Yezu ye Nyakasane», arhanali oku buhashe bwa Mûka Mutagatîfu.

1 Bakorinti 6:13

Ebiryo biri bya nda, n’enda eri ya kulya; ci Nyamuzinda ayashabûle enda n’ebiryo. Ci omubiri gwôhe gurhali gwa kujira e­by’enshonyi; ci guli gwa Nyakasane, na Nyakasane ali wa mubiri.

1 Bakorinti 8:4

Kuziga oku gw’enyama zarherekîrwe abazimu, rhumanye oku enshushano y’omuzimu erhali cici en’igulu, na ntà wundi Nyamuzinda kuleka olya muguma.

Befezi 1:3

Ayâgirwe Nyamuzinda n’Îshe wa Nnawîrhu Yezu Kristu, owarhugishaga, arhuhà obwangà bw’obunya-mûka bwa ngasi lubero, bwangà buhubu­ka omu mpingu muli Kristu!

Befezi 3:14

Co cirhumire nfukama embere za Nyamuzinda Îshe,

Lushika 4:35

We wahirwe okubona ebyo byoshi kuderha mpu omanye oku Nyamubâho ye Nyamuzinda w’okuli na ntà wundi aha nyuma zâge.

Lushika 4:39

Okwaninage omanye ene onakazikurhimanya omu murhima gwâwe: Nyamubâho, ye Nyamuzinda oku nkuba enyanya na hano nshi oku igulu, yêne ntà wundi.

Lushika 6:4

Yumva wâni Israheli: Nyamubâho Nyamuzinda wîrhu yêne Nyamubâho.

Bakolosi 1:6

eyo Myanzi y’Akalembe yahisire emwinyu nk’oku yalumîre omu igulu lyoshi: yayâna emburho yanagandâza. Emwinyu nayo kwo na kwo, kurhenga lulya lusiku mwayumvagya mwanamanya enshôkano ya Nyamuzinda nk’oku enali,

1 Petro 1:21

Ye igwârhiro ly’obuyêmêre bwinyu muli Nnâmahanga wamufûlaga omu bafîre anamujîsa irenge, mpu lyo Nyamuzinda abà ye buyêmêre na bulangâlire bwinyu.

Mafulûlo 1:18

‘nie na Nn’obuzîne’. ‘Nal’infîre, ‘lêro niono nkola nzîne kuhika emyâka n’emyâka’; ‘n’enyigulo z’olufù n’ez’ekuzimu nie nzigwêrhe».