1 Bakorinti 7:33 - BIBLIYA NTAGATIFU OMU MASHI

³³ Omuntu ogwêrhe omukazi, ashîbirira eby’en’igulu, alonza oku ankasimîsa mukâge;

1 Bakorinti 7:33 ပူးပေါင်းရင်းမြစ်များ

Luka 12:22

Okubundi anacibwîra abaganda bâge, erhi: «Co cirhumire mmubwîra: “Murharhanyagya oku buzîne bwinyu mpu bici mwalya n’oku mubiri gwinyu mpu bici mwayambala”.

Luka 14:20

“Owundi aderha, erhi”: “Nzind’ijà omu buhya, co cirhumire ntayisha”.

Yowane 10:13

Ajira ntyo bulya ali mulimya na ntà buzigire ajira oku bibuzi.

1 Bakorinti 7:3

Omulume ajire ebi arhegisirwe okujirira mukâge, naye omukazi ajire ebi arhegesirwe okujirira îba:

1 Bakorinti 7:32

Nakasîmire muyôrhe buzira malibuko. Omuntu orhagwêrhi mukazi, ashîbirira ebya Nyakasane, alonza kurhi ankasimîsa Nnâmahanga.

1 Bakorinti 7:34

na ntyo ali muberemwo. Omukazi orhagwêrhi mulume n’omunyere, bashîbirira e­bya Nyamuzinda, balonza okubà batagatîfu omu mubiri n’omu murhima. Ci omukazi waherusire, ashîbirira eby’en’igulu, alonza oku ankasimîsa ibà.

Bakolosi 3:19

Ba­lumè, muzigire bakinywi, murhanabayôrheraga kubî.

1 Timoteyo 5:8

Omuntu orhashîbirira abâge, bwenêne abà omu mwâge, oyo erhi alahîre obuyêmêre bwâge; alushire omupagani obubî.

1 Petro 3:7

Ninyu mwe balume, kwo na kuguma, omu kubêra na bakînywe mumanye oku omukazi cibà ciremwa cizamba kummulusha; mubakenge, bulya bayish’iyîma akinyu omu nshôkano y’obuzîne. Ntyo ntâco cankahanza ensengero zinyu.