1 Bakorinti 6:10 - BIBLIYA NTAGATIFU OMU MASHI

¹⁰ oli ebishambo, oli abasîma eby’en’igulu, oli abalalwe, oli abakajâcira abâbo n’ebishungu, abo boshi barhalimwo owayîme omu Bwâmi bwa Nyamuzinda.

1 Bakorinti 6:10 ပူးပေါင်းရင်းမြစ်များ

Migani 7:27

Enyumpa yâge njira y’ekuzimu, mwandagalo gujà omu lugò lw’abafîre.

Izaya 1:23

Abaluzi bâwe babîre bagoma na bîra b’ebishambo boshi boshi babîre banyakushundira omu nshoho zâbo na ba-nyakulomokera empembo. Enfûzi barhayiha lubanja n’endûlù y’omukana barhayirhega kurhwiri.

Yeremiya 7:11

Ka omu kubona kwinyu mw’eyi nyumpa ederhwa n’izîno lyâni likolaga libà ishubûkiro lya bishambo? Niono kubona mbona ntali muhûrha, Kanwa ka Nyakasane.

Ezekiyeli 22:13

Na lolà oku nkola nkoma akagasha erhi ebyôla by’obushungu bwâwe okazijira birhuma na kuli ogûla mukò gwabulajikîre emwâwe.

Ezekiyeli 22:27

Abarhambo b’ecôla cihugo, omu karhî k’olugo kwo bali nka rhubwa rhw’emuzirhu rhuli rhwashanshanyagula omunyama gwâbo, ababulaza omu­ko, abayîrha abantu lyo bazimba ebirugu byâbo.

Ezekiyeli 22:29

Olubaga lw’omu cihugo lwaluzize okuyîrha n’okunyaga, lwalibuzize omukenyi n’omuhanya, lwalibuzize omuntu w’ecigolo n’obwôla ntà buhashe lugwêrhe.

Mateyo 21:19

Erhi acîbona omurhi gw’amalehe eburhambi bw’enjira, agujaho; ci arhagushimânagakwo bici, agarhali mâsi gône. Anacigubwîra, erhi: «Mâshi irhondo orhacifâga wayanyirekwo irehe!» Ho n’aho gulya murhi gwanaciyûma.

Mateyo 23:13

«Yajowe mweki, bashamuka b’ihano ninyu, ezi ndyâlya zikayigalira abantu Obwâmi bw’empingu! Mumanyire oku murhakabubalala­mwo n’abalonza okubujamwo mudwîrhe mwabahanza. [

Mateyo 23:33

Ezi njoka, bûko bwa cibugusha, kurhi mwâfume obuhane bw’enyenga y’omuliro?

Yowane 12:6

Lurhàli lukogo lwa bakenyi aderheraga ntyo, ci bulya càli cishambo na bulya ye wabîkaga enshoho, akazâg’izimba ebyàlimwo.

Ebijiro 20:32

“Bunôla, mmubîsize Nnâmahanga n’oluderho lw’enshôkano yâge, yêne ye wankahash’iyûbaka n’okumushobôza akashambala haguma n’abatagatîfu boshi”.

1 Bakorinti 15:50

Kwo ndesire ntya, bene wîrhu: omubiri n’omukò birhankayîma omu Bwâmi bwa Nyamuzinda, n’eby’okubola birhankayîma omu birhankahash’ibola.

1 Bakorinti 5:11

Nammuyandikîre nti mumanye mwa­nkakômera ngasi yêshi oderhwa mwene wîrhu akabà ali mumaguza, nîsi erhi akabà azigira ebirugu by’en’igulu, erhi aharâmya ebiremwa, akabà asîma okujâcirana, nîsi erhi akabà abà mulalwè erhi cishungu; omuntu wa bene oyo, ciru mumanye mwankalira haguma naye.

Bagalasiya 5:21

okucîfinja ebya bene, endalwè, obudambi n’ebindi bya bene ebyo. Nshubir’immukengeza, nka kulya na­mmubwîraga, oku abajira ntyo barhakalabarha omu Bwâmi hwa Nyamuzinda.

Befezi 4:28

Ngasi wali cishambo agokôle; akole n’amaboko gâge erhikwo nk’oku bishingânîne, ciru ahash’irhabâla ab’obuligo.

Befezi 5:5

Mumanye kwinjà oku ntà mugonyi, ntà mûmaguza, na ntâye ohubira eby’en’igulu, -kwo kuli kufukamîra ebiremwa-, ntâye muli abo boshi wanalabarhe omu Bwâmi bwa Kristu na Nnâmahanga.

1 Batesalonika 4:6

Muli okwo harhajiraga owasârhaza mwene wâbo erhi okumujira buligo; bulya Nyakasane anacîhôle kw’ebyo byoshi, nka kulya rhwammubwiragakwo rhwanakuhamîriza

1 Petro 4:15

Muli mwe harhajiraga owalibuzibwa nka mwîsi wa bantu, erhi nka cisharnbo, nîsi erhi nka nyankola-maligo, erhi nka ndyâlya;