1 Bakorinti 4:21 - BIBLIYA NTAGATIFU OMU MASHI

²¹ Cici mucîshozire? Ka mulonzize mmuyishire n’eminyuli, nîsi erhi mulonzize nyishe n’obuzigire n’omurhima gw’obutûdu?

1 Bakorinti 4:21 ပူးပေါင်းရင်းမြစ်များ

1 Bakorinti 4:18

Erhi bacîkêbwa mpu nkaba ntayisha emwinyu, baguma babirigirhana n’obucîbone.

1 Bakorinti 5:5

n’oyo muntu akwêbwe Shetani, omubiri guherêrekere, ly’omûka gwâge gucira Olustku lwa Nyakasane.

2 Bakorinti 1:23

Niehe Nyamuzinda ye ndahîre oku buzîne bwâni, oku kummufà lukogo kwarhumaga ntaciyishe e Korinti.

2 Bakorinti 10:6

Na hano obumvi bwinyu bubà bwimâna, rhulingûzize okuhana ngasi yêshi waciderhe mpu arhenguha.

2 Bakorinti 10:8

Bulya, ciru obwo buhashe bwîrhu nankabulimbira okurhalusire olugero hitya, obwo buhashe Nyakasane àrhuhâga mpu rhummuyûbakemwo mwoyo, arhali mpu rhummushâbemwo ntankabubêra nshonyi.

2 Bakorinti 12:18

Nayinginga Tito, nanamurhuma bo n’olya mwene wîrhu. Ka Tito ammuyungukirekwo? K’arhali njira nguma rhwalimwo, muguma akula okugula aha, owundi akuhebe ho?

2 Bakorinti 13:10

Co cirhumire nayandika nnandi kuli eco, nti lyo hano mbà nkola mmuliho, ntag’ikaliha omu buhashe Nyakasane a­mpâga mpu nyûbake, ci arhali mpu nshabe.

2 Bakorinti 13:2

Nakubwîzire balya bajizire ebyâha burhanzi, nakubwîra n’abandi boshi, nnabà nanashub’ikuderha kandi ene ntabalimwo, nka kulya najiraga erhi ndi eyo obwa kabiri: nkashubira eyo, lêro ntâbe bwonjo.

2 Bakorinti 2:1

Nalalira obwôla nti ntashubira emwinyu omu burhè.

2 Bakorinti 2:3

N’akabà nayandisire ebi mumanyire, kwàli kuderha nti lyo hano nyisha ntag’ibà burhè erhi abâli bakwânîne okunsimîsa bàrhuma, bulya mmanyire oku okusîma kwâni kunali kwinyu mweshi.

2 Bakorinti 3:10

N’erhi rhwankaligerera kw’eri irenge lilushire bwenêne, irenge ly’obujà-bugo burhanzi liri ntâlyo

Bagalasiya 6:1

Bene wîrhu, ciru omuntu ankagwârhwa omu câha, mwe bâna ba Mûka, munamuyigîrize n’olukogo; ci omanye wankagwa omu mashumi nâwe!

1 Batesalonika 2:7

n’obwo rhwankahashire okummuyêreka obuhashe bwîrhu, kulya kubà rhuli ntumwa za Kristu. Ci rhwacijira banyinyi ekarhî kinyu, rhwayôrha nka muzîre walîsa abâna bâge n’okubashîbirira.

Yakôbo 3:17

Obushinyanya bw’enyanya bwôhe, burhanzi bubà bucêse kandi bubà bwa murhûla, bubà bwa lukogo, butûla, buyunjwîre bwonjo n’emburho nyinjà, burhajira kabôlo, burhanalyâliha.