1 Bakorinti 4:15 - BIBLIYA NTAGATIFU OMU MASHI

¹⁵ Bulya ciru wankajira balezi bihumbi n’ebihumbi muli Kristu, basho barhali banga. Nêci, niene nammuburhaga n’Emyanzi y’Akalembe muli Yezu Kristu.

1 Bakorinti 4:15 ပူးပေါင်းရင်းမြစ်များ

Mibalè 11:12

“Ka nie nasingaga olûla lubaga? Ka nie naluburhaga, okwôla nkaba kwanarhuma wambwîra, erhi: Ohugirage oku nda yâwe, nka kula omuzîre ahêka omwâna akola amuyonsa, kuhika muli cirya cihugo wahigaga mpu wahà ababusi bâbo”.

Barom 15:20

Ci kwône nalonza okumanyîsa Emyanzi y’Akalembe aha izîno lya Kristu lirhal’isâg’imanyibwa, nti ntag’iyûbakira oku ciriba cahumbagwa n’owundi,

1 Bakorinti 1:30

Bulya ye wa­mmuhisagya muli Yezu Kristu, owahindusire bushinganyanya bwîrhu w’emwa Nyamuzinda na bwimâna bwîrhu, na butagatîfu na bucunguzi bwîrhu;

1 Bakorinti 15:1

Bene wîrhu, nammukengeza erya Myanzi y’Akalembe nammubwîrizagya, mwayiyankirira, munaciyisêziremwo buzibu,

1 Bakorinti 3:10

Nk’oku nanal’impîrwe enshôkano ya Nnâmahanga, naj’aho, nabanda ibuye lirhanzi omu ciriba, nka kula omûbasi mwinjà anajira. Owundi ayubakirakwo. Ci ngasi muguma alole bwinjà kurhi ayûbasirekwo.

1 Bakorinti 3:6

Nie ono nazindaga nahinga, Apolo adômera; ci Nyamuzinda ye wakuzize emburho.

1 Bakorinti 3:8

Ohinga n’odômera bo baguma, ci ngasi muntu ayish’ihembwa nk’oku anakozire.

1 Bakorinti 9:12

Akabà abandi bagwêrhe obuhashe bw'okujira ntyo kuli mwe: ka rhurhabalushiri? Ci rhwêhe rhurhakolêsagya obwo buhashe; ci rhunakaz’ilembera byoshi, nti lyo rhurhag’ifukira Emyanzi y’Akalembe ka Kristu enjira.

1 Bakorinti 9:14

Ntyo Nyakasane naye arhegesire mpu abajà bayigîriza Emyanzi y’Akalembe, babîkwe n’Emyanzi y’Akalembe.

1 Bakorinti 9:16

Bulya okuhanûla Emyanzi y’Akalembe lirhali igwârhiro lya bukuze kuli nie; ntagwêrhi oku nankabula bwakujira. N’erhi na­nkaba ntayigîrizizi Emyanzi y’Akalembe, erhi namâhera!

1 Bakorinti 9:18

Oluhembo lwâni luligi luhi? Lw’olu: omu kuyigîriza Emyanzi y’Akalembe, nyihâne buzira kuhembwa, ndeke okukolêsa obuhashe mpîrwe n’Emyanzi y’Akalembe.

1 Bakorinti 9:23

N’ebyo byoshi Myanzi y'Akalembe mbijirira, nti lyo nshangîra aminjà gâyo.

2 Bakorinti 4:5

Bulyâla arhali rhwêne rhuja rhwaciderha, ci Nyakasane Yezu Kristu rhuja rhwamanyîsa. Rhwêhe rhuli barhumisi binyu, erhi buzigire bwa Yezu Kristu burhuma.

Bagalasiya 3:24

Ntyo Irhegeko lyàli nka mulezi warhuhisakwo Kristu, lyo obuyêmêre burhujira bêru-kwêru.

Bagalasiya 3:25

Ci bunôla obuyêmêre bwayishire, ntà buhashe omulezi acirhugwêrhekwo.

Bagalasiya 4:19

Rhwâna rhwâni, ndwîrhe nayumva amalumwa g’okushub’immuburha, kuhika Kristu akomere omu mirhima yinyu.

2 Timoteyo 4:3

Bulya amango gayisha, n’abantu barhakacikwîra enyigîrizo nkana, ci iralà lya lyanabahabukane n’okurhwiri kwâbo kubanyunyagire, bacîhè bône abayigîriza mwandu,

Tito 1:4

kuli Tito, mugala wâni w’okuli omu buyêmêre bwîrhu rhweshi: enshôkano n’obuholo bikugabirwe na Nyamuzinda Îshe n’O­muciza Kristu Yezu!

Filemoni 1:19

Niene Paolo nkuyandikîre n’okuboko kwâni: nie nâkulyûle. Ntanarhama nakubwîra oku nâwe ondi omu mwenda, n’ogwo mwenda oli w’oyo wênene.

Yakôbo 1:18

Yêne walonzagya okurhuburha omu luderho lwâge lw’okuli, mpu rhubè rhwe murhondêrero gw’ebiremwa byâge.

1 Petro 1:23

bulya mwabusirwe buhyâhya, arhali n’emburho esherêra, ci n’emburho erhankahash’isherêra, lwo Luderho lwa Nyamuzinda luzîne lw’ensiku n’amango.