1 Bakorinti 3:3 - BIBLIYA NTAGATIFU OMU MASHI

³ kulya kubà mucicîkubagira eby’omubiri. Oku haciri obwâgalwa n’akadali ekarhî kinyu, k’erhi murhaciri bantu bacîkubagira eby’omubiri obwo, k’erhi n’olugendo lwinyu lurhali nka lwa bantu kwône obwo?

1 Bakorinti 3:3 ပူးပေါင်းရင်းမြစ်များ

Hozeya 6:7

Ci bôhe bene Adamu bàvunyire eciragâne, aho bannenganya.

Barom 13:13

Rhucîkenge omu lugendo lwîrhu nk’oku kukwânîne okujira izûba lyabasha. Rhuleke obudambî n’e­ndalwè; ntà kuhusha na ntà kujira eby’obumaguza; ntà nnongwè na ntà bumvu;

1 Bakorinti 1:10

Mwe mukasinga mâshi, bene wîrhu, oku izîno lya Nnawîrhu Yezu Kristu, muyumvanye; mumanye mwankac’iberamwo; mubè baguma omu murhima, n’omu nkengêro.

1 Bakorinti 1:11

Bulya, yâgi bene wîrhu, nayumvîrhe kuli mwe, oku bantu b’emwa Kolowe, mpu akadali kali ekarhî kinyu.

1 Bakorinti 11:18

Burhanzi, nayumvîrhe mpu amango muli haguma omu ndêko, muli mwe hânabè abaciberûla, n’okwôla nkuyêmîre obwo, ci arhali kwoshi.

1 Bakorinti 3:4

Bulya mubwîrana, mpu: «Niono, ndi wa Paolo», n’owundi, mpu: «Nâni, Apolo ye ndikwo», ka kurhali kwa bantu kwône okwo?

2 Bakorinti 12:20

Bulya nyôbohire nti nkaba hano nyisha, arhali oku nnonzize mubè kwo nashanga muyôsire; nti ninyu mwakanashanga nyôsire oku murhalonzizi mbè; nti nakanashanga mulimwo ennongwè, obwâgalwa, omungo, orhudali, okuderherana kubî, okuhûranana, obucîbone n’akavuli­ndi.

Bagalasiya 5:15

Ci akabà munakashoshôbana n’okulyâna mwêne na nnene, mumanye mwahezanya!

Tito 3:3

Bulya mîra nîrhu rhwàli bahwinja, bagomi, mihera, bajà b’amîru mabî n’îralà lya ngasi lubero; rhwàli rhushayire omu bubî n’omu bwâgalwa, rhwàli bashombe rhwanakâg’ishombana.

Yakôbo 3:16

bulya aha obumvu n’ennongwè bifulukira harhabula kavulindi n’ebi­ndi bibî bya ngasi lubero.

1 Petro 4:2

mpu ly’ensiku zicimusigalîre en’igulu arhazigeza omu iralà ly’abantu, ci omu kujira obulonza bwa Nyamuzinda.