1 Bakorinti 2:15 - BIBLIYA NTAGATIFU OMU MASHI

¹⁵ Omuntu ocîkubagira Mûka yêhe, atwa emmanja za ngasi byoshi, ci yêhe arhatwîrwa na ndi.

1 Bakorinti 2:15 ပူးပေါင်းရင်းမြစ်များ

2 Samweli 14:17

“Mwambalikazi wâwe anaciderha, erhi: Akanwa ka nnakuno kandêrhere nâni mâshi omurhûla bulya Yâgirwa, mwâmi kw’ali nka malahika wa Lungwè: oyumva aminjà n’amabî. Nyamubâho Nyamuzinda wâwe abè haguma nâwe.”»

Ennanga 25:14

Nyakasane abamurhînya abajîsa mahwe, bo anayêreka ebi àli abalaganyize.

Migani 28:5

Enkola-maligo zirhumva hishingânîne, abalonza Nyakasane bôhe byoshi bayumva.

Muhanûzi 8:5

Omuntu ojira oku arhegesirwe arhahanyagala; n’omurhimanya ayôsire amanyire oku hali amango hali n’okutwa olubanja.

Yowane 7:17

Owalonz’ijira obulonza bwâge, acîbonera erhi ezi nyigîrizo ziri za Nnâmahanga, nîsi erhi niene ncirhumire.

Ebijiro 16:3

Paolo anacihiga mpu bagendane. Amuyanka, amukembûla erhi Buyahudi bâli mw’eco cihugo bàrhuma; bulya boshi bâli bamanyire oku îshe abà Mugereki.

1 Bakorinti 14:37

Akabà hali ocîkebirwe mpu ali mulêbi nîsi erhi mpu Mûka Mutagatîfu odwîrhe amubwîriza, amanye oku ebi mmuyandikîre liri irhegeko lya Nyakasane.

1 Bakorinti 3:1

Bene wîrhu, niehe ntahasha okummushambâza nka bantu bacîkubagira Mûka, ci nka bantu bacîkubagira eby’omubiri, nka bâna barhò muli Kristu.

1 Bakorinti 4:5

Kuziga murhatwaga olubanja lwa bene dubaduba. Muleke Nyakasane ayishe, ye wash’imoleka ebifulike omu mwizimya, anabishûle emihigo eri omu murhima. Okubundi ngasi muguma ayish’ihâbwa na Nyamuzinda obukuze bumukwânîne.

Bagalasiya 6:1

Bene wîrhu, ciru omuntu ankagwârhwa omu câha, mwe bâna ba Mûka, munamuyigîrize n’olukogo; ci omanye wankagwa omu mashumi nâwe!

Bafilipi 1:10

lyo mukaz’ibona ebiri binjà kulusha, na ntyo mubè bacêse na bêru-kwêru kuhika Olusiku lwa Kristu,

Bakolosi 1:9

Co cirhumire, kurhenga lulya lusiku rhwayumvagyamwo ogwo mwanzi, rhurhahusa okummusengerera n’okushenga Nyamuzinda nti ammushobôze okumanya kwinjà obulonza bwâge, omu bushinganyanya bwoshi n’omu bumanye bwa Mûka Mutagatîfu.

1 Batesalonika 5:21

ci mulole bwinjà ngasi kantu, n’ebiri binjà byo muyôrhanage.

Bahabraniya 5:14

Abimâna bôhe, ebiryo byâbo bibà biryo bizibu, balya bàkomerîze obwenge bwâbo okumanyîrira ecinjà n’ecibî.

1 Yowane 2:20

Mwêhe mwashîzirwe amavurha n’Omwimâna, na ntyo mweshi mugwêrhe obumanye.

1 Yowane 4:1

Bîra bâni, murhakâg’iyêmêra ngasi mûka, ci mukarhangula eyo myûka, mulole erhi emwa Nyamuzinda yanarhenga, bulya abalêbi b’obwîhambe bàlumîre mwandu omu igulu.