1 Bakorinti 16:16 - BIBLIYA NTAGATIFU OMU MASHI

¹⁶ Ninyu mukâkenga abantu ba bene abo na ngasi yêshi okola n'orhama haguma nabo.

1 Bakorinti 16:16 ပူးပေါင်းရင်းမြစ်များ

1 Nganîro 12:18

Daudi ajà emunda bali ababwîra, erhi: «Akabà munyîshîre n’omuhigo gw’obuholo mpu muntabâle, mmuyankirîre n’omurhima gwoshi. Ci akabà gwa bulenzi mpu lyo mumpâna emw’abashombanyi bâni, Nyamuzinda wa bashakulûza abè ye muhamîrizi w’okwo, anammuhe obuhane».

Muhanûzi 1:3

Bunguke buci omuntu akûla omu kurhama arhama hano îdako ly’izûba?

Barom 16:12

Mulamuse Trifesa na Trifoza bakârhamira Nyakasane. Mulamuse Persida muzigirwa wâni; arhamîre bwenêne omu kukolera Nyakasane.

Barom 16:3

Mundamukize Priska n’Akwila, bo rhukola rhweshi muli Kristu Yezu;

Barom 16:6

Mulamuse Mariya wammurhamîre kulya.

Barom 16:9

Mundamukize owîrhu Urbano rhukola rhweshi muli Kristu, n’omwîra wâni Staki.

1 Bakorinti 12:28

Omu Ekleziya hali abà Nyamuzinda ajizire: burhanzi ntumwa obwa kabiri balêbi, bwa kasharhu bigîriza; okuhandi ahiraho obuhashe bw’okujira ebisômerîne, n’enshôkano z’okufumya, n’ez’okurhabâla abâli omu bulagîrire n’ez’okurhegeka, n’ez’okuderha endimi za ngasi lubero.

1 Bakorinti 3:9

Bulya kugwâsa rhugwâsa Nyamuzinda; muli ishwa lya Nyamuzinda, muli bûbake bwa Nyamuzinda.

Befezi 5:21

Mukaz’ikengana mwêne na nnene erhi kurhînya Kristu kurhuma.

Bafilipi 4:3

Nâwe Sizigo, murhabâzi wâni muzigirwa, nkuhûnyire obarhabâle; bulya bantabîre okulumîza Emyanzi y’Akalembe, bona Klementi n’abandi barhabâzi bâni. Amazîno gâbo gali mandike omu Citabu c’Obuzîne.

1 Batesalonika 1:3

Ngasi kasanzi, embere za Larha Nnâmahanga, erhi kugerêreza rhugerêreza ebijiro by’obuyêmêre bwinyu, n’emikolo y’obuzigire bwinyu, n’obulangâlire bwinyu bukomîre, muli Nnawîrhu Yezu Kristu.

1 Batesalonika 2:9

Mucikengîre, bene wîrhu, emirimo n’emiluho yîrhu: rhwakâg’immuyigîriza Emyanzi y'Akalembe ya Nnâmahanga omu kukola budufu na mûshi nti lyo rhurhazidohera ndi muli mwe.

1 Batesalonika 5:12

Rhummuhûnyire, bene wîrhu, nti mukâkenga balya bammuluhira, abammukulîre muli Nyakasane, banakammuhanûla.

1 Timoteyo 5:17

Abadâhwa bajira kwinjà ecikono câbo c’okurhegeka, bali ba kuhembwa kabiri, bwenêne balya baluhira Emyanzi y’Akalembe n’enyigîrizo.

Bahabraniya 13:17

Mukâyumva abakulu binyu munabakenge, bulya bo balanga emyûka yinyu, bànayish’iyidôsibwa. Kukwânîne bajire ogwo mukolo n’obushagaluke, ci arhali n’oburhè, bulya okwo kurhankammulêrhera bunguke.

Bahabraniya 13:24

Mundamukize abakulu binyu boshi n’abatagatîfu boshi. Bene wîrhu b’omu Italiya ba­mmulamusize.

Bahabraniya 6:10

Bulya Nyamuzinda arhali mubula burhondekezi mpu ayîbagira ebijiro binyu n’obuzigire mwayêrekîne oku izîno lyâge, bulya mwakolîre abatagatîfu, munacidwîrhe mwakujira.

1 Petro 5:5

Ninyu mwe misole, mukâyumva abagula. Mweshi muhwinje omwambalo gw’obwîrhôhye omu kuyôrha n’abinyu; bulya abacîbonyi Nyamuzinda kucîka abacîka ci abîrhôhye bo ashobôza engalo yâge.

3 Yowane 1:8

Kuziga rhw’ono rhukwânîne rhuyankirire abantu ba bene abo, lyo rhurhabâlana okukolera okuli.

Mafulûlo 2:3

N’oburhwâli we nnabwo: wababîre buzira kurhama erhi izîno lyâni lirhuma.