1 Bakorinti 15:17 - BIBLIYA NTAGATIFU OMU MASHI

¹⁷ N’akabà Kristu arhafûkaga, obuyêmêre bwinyu buli busha, munaciri omu byâha binyu;

1 Bakorinti 15:17 ပူးပေါင်းရင်းမြစ်များ

Ezekiyeli 33:10

Nâwe wâni mwene omuntu, ojibwîra omulala gwa bene Israheli, erhi: Loli oku munakaziderha ebîra binwa, erhi: Amabî gîrhu n’ebyâha bîrhu rhwenene binali kwo, kandi byo birhuma rhufa; kurhi rhwakalamaga?

Ebijiro 5:31

Y’oyo ye Nnâmahanga, oku buhashe bw’okulyo kwâge, ajizire mwâmi na Muciza, mpu lyo Israheli acîyunjuza anababalirwe ebyâha.

Barom 4:25

oyo Yezu wahânagwa byâha bîrhu birhuma, anafûka mpu lyo muyêra.

Barom 5:10

Bulya, akabà rhwazigîrwe na Nnâmahanga erhi lufù lw’Omugala lurhuma, n’obwo rhwaciri bashombanyi, lêro na buno rhukola rhuyinjibîne naye!, rhwâcizibwa n’obuzîne bwâge.

1 Bakorinti 15:14

N’akabà Kristu arhafûkaga, enyigîrizo zîrhu ziri busha, n’obuyêmêre bwinyu nabo buli busha.

1 Bakorinti 15:16

Bulyâla akabà abafîre barhafûka, Kristu naye arhafûkaga.

1 Bakorinti 15:2

yo yanammuciza erhi mwankayilanga nk’oku nammubwîragayo. N’akabà arhali ntyo, erhi mwayêmîre bya busha.

1 Petro 1:21

Ye igwârhiro ly’obuyêmêre bwinyu muli Nnâmahanga wamufûlaga omu bafîre anamujîsa irenge, mpu lyo Nyamuzinda abà ye buyêmêre na bulangâlire bwinyu.

1 Petro 1:3

Ayâgirwe Nyamuzinda, îshe wa Nnawîrhu Yezu Kristu! Omu lukogo lwâge lunji, àrhubusire buhyâhya, arhuhà obulangâlire bulêrha obuzîne, erhi afûla Yezu Kristu omu bafîre,