1 Bakorinti 14:5 - BIBLIYA NTAGATIFU OMU MASHI

⁵ Ntankabaga mweshi muderhe ndimi mwandu, nanasîma kulusha mulêbe; bulyâla olêba alushire oderha endimi, akabà owaderha endimi arhahugwîri, lyo endêko y’abemêzi erhenzamwo enyigîrizo.

1 Bakorinti 14:5 ပူးပေါင်းရင်းမြစ်များ

Murhondêro 30:34

Labani ederha, erhi: «Kwinjà okwo; binabâge nk’okwo odesire».

Marko 16:17

N’ebisômerîne byâkulikire abâyêmêre by’ebi: oku izîno lyâni bayish’ikahulusa bashetani; bayish’ikaderha endimi mpyâhya;

Barom 14:19

Kuziga kukwânîne rhushimbûlire ebilêrha omurhûla n’ebyankarhabâla abirhu.

1 Bakorinti 12:10

Hali owahabirwe obuhashe bw’okujira ebisômerîne, n’owundi ahâbwa enshôkano y’obulêbi; baguma bahîrwe enshôkano y’okumanya ebiri omu murhima, abandi enshôkano y’okumanya endimi, n’abandi enshôkano y’okuzihugûla.

1 Bakorinti 13:1

Ciru nankamany’ishambâla endimi z’abantu n’eza bamalahika, nka ntà buzigire ngwêrhe, erhi kwo nandi mulinga muvuze, nîsi erhi nka kula ecûma c’amarhale cikomombe cirhengamwo izù.

1 Bakorinti 13:4

Obuzigire burhûla; obuzigire burhabâlana; obuzigire burhayâgalwa; obuzigire burhahalanjika; burhanacikunga;

1 Bakorinti 14:1

Mucîsêze okubona obuzigire; mulongereze n’enshôkano za Mûka Mutagatîfu, ci bwenêne enshôkano y’obulêbi.

1 Bakorinti 14:17

Nêci, okuvuga omunkwa kwâwe kuli kwinjà, cikwône owundi arhankarhenzamwo enyigîrizo.