1 Bakorinti 14:39 - BIBLIYA NTAGATIFU OMU MASHI

³⁹ Kuziga, bene wîrhu, mushwîre enshôkano y’obulêbi, murhanahanzagya abaderha endimi.

1 Bakorinti 14:39 ပူးပေါင်းရင်းမြစ်များ

1 Bakorinti 12:31

Mulwîre enshôkano zikulîre ezindi. Ciru nankola nammuyêreka: enjira elushire ezindi zoshi.

1 Bakorinti 13:2

Ciru nankabà ngwêrhe obuhashe bw’okulêba, nkanamanya amahwe goshi; n’amenge goshi; ciru na­nkagwârha obuyêmêre bwimâna, bulya bwankamanyula entondo, nka ntà buzigire njira, erhi nnandi busha.

1 Bakorinti 14:1

Mucîsêze okubona obuzigire; mulongereze n’enshôkano za Mûka Mutagatîfu, ci bwenêne enshôkano y’obulêbi.

1 Bakorinti 14:3

Omuntu olêba yêhe, bantu aderheza, kuyigîriza ayigîriza, kuhanûla ahanûla, kurhûliriza arhûliriza.

1 Bakorinti 14:38

N’orhakumanyiri, erhi naye arhanayishibwi na Nnâmahanga.

1 Bakorinti 14:5

Ntankabaga mweshi muderhe ndimi mwandu, nanasîma kulusha mulêbe; bulyâla olêba alushire oderha endimi, akabà owaderha endimi arhahugwîri, lyo endêko y’abemêzi erhenzamwo enyigîrizo.

1 Batesalonika 5:20

murhagayaguzagya e­nshôkano y’obulêbi;