1 Bakorinti 14:34 - BIBLIYA NTAGATIFU OMU MASHI

³⁴ abakazi bakaz’ihulika omu ndêko; bulya ntà bwêmêre bagwêrhe bwa kuderha; ci kukwânîne bayôrhe bali n’obukenge, nk’oku Irhegeko lyône lidesire.

1 Bakorinti 14:34 ပူးပေါင်းရင်းမြစ်များ

Murhondêro 3:16

Abwîra nyamukazi, erhi: «Nkolanayûshûla amalumwa gâwe, n’amazîmi gâwe omu malumwa okola wakaburha abâna. Kulalikira okolaga wakalalikira balo, ci naye akola ayish’ikâkuzidohera.»

1 Bakorinti 11:13

Lêro mwene mulutwe. Ka kukwânîne omukazi ashenge Nnâmahanga n’irhwe lirhali libwîke?

1 Bakorinti 11:3

Cikwônene nnonzize mumanye oku ngasi mulume Kristu ye Nnawâbo; n’omukazi nnawâbo ye mulume; naye Kristu nnawâbo ye Nyamuzinda.

1 Bakorinti 11:5

Ci naye omukazi washenga erhi owalêba n’i­rhwe lirhali libwîke, anabonêsa nnawâbo enshonyi; bulya erhi kw’ali nk’ohalanguzîbwe.

1 Bakorinti 14:21

Kuyandisirwe omu Marhegeko, mpu: «Olu lubaga naluyigîriza n’abantu baderha olundi lulimi n’omu kanwa k’abantu b’ihanga, barhanayumvîrhize obwo», kwo Nyakasane adesire.

1 Bakorinti 14:35

Erhi bankalonza okumanya ka­ntu kalebe, babwîze bibà omu mwa bâbwè; bulya ziri nshonyi oku mukazi okushambâlira omu ndêko.

Befezi 5:33

Ntyo ngasi muguma muli mwe azigîre mukâge nk’oku acîzigira yêne, n’omukazi akenge îba.

Bakolosi 3:18

Bakazi, mukâyumva babalo, nka kulya bikwânîne muli Nyakasane.

Tito 2:5

okubà barhondêza na bacêse b’omurhima, okukakombêra enyumpa zâbo n’okukâkenga bibà, lyo akanwa ka Nyamuzinda karhag’ijâcirwa.