1 Bakorinti 13:5 - BIBLIYA NTAGATIFU OMU MASHI

⁵ obuzigire burhajira akantu karhakwânîni, burhacîlongeza, burhaba burhè, burhanabîka mujina.

1 Bakorinti 13:5 ပူးပေါင်းရင်းမြစ်များ

2 Samweli 10:3

Ci kwônene abarhambo b’ecôla cihugo ca bene Amoni banacibwîra nnâhamwâbo Hanuni, mpu: «Ka omanyire mpu Daudi kukuza okûla akuzize sho ene arhuma abayish’ikurhûliriza? K’okûla kurhali kuyîsh’iyunja olugo abone ngahi halembu muli lwo na ngahi ankahashig’ilugwârhira, kali kwo kurhumire abâla bambali bajà eno?»

Ayubu 21:27

Abà, mmanyire bwinjà enkengêro zinyu, n’ebi mudwîrhe mwarhanya kuli nie.

Migani 14:17

Ôbà burhè duba anakole ebigalu-galu, omurhimanya yêhe binji alêmbera.

Izaya 3:5

Olubaga lukola lwakalyâna, ngasi muntu owâbo, ngasi muguma omulungu wâge; omwâna murhò akâlimbira omushosi, n’omugalugalu akâlimbira omuluzi.

Yeremiya 11:19

Niehe kwo nali nka mwâna-buzi wajibagwa, erhi ntanamanyiri emirali bagwêrhe kuli nie. Mpu «rhuhongole omurhi gujinire, rhumukûle omu igulu ly’abazîne, irhondo izîno lyâge lirhakengêragwa»!

Mibalè 12:3

Ci Mûsa acibêraga muntu mutûdu bwenêne, kulusha abandi bantu boshi ba hanôla igulu.

Mibalè 16:15

Omu bukunizi bunene, Mûsa anacibwîra Nyamubâho, erhi: «Orhalolaga e­nterekêro yâbo y’enkalangè. Ntasagibanyaga ciru na oli endogomi yâbo, ciru na ntâye nkola njirire amabî muli bo.»

Mibalè 32:6

Mûsa ashuza bene Gadi na bene Rubeni, erhi: «Kàli bene winyu bakolaga oku matabâro ninyu moyo musigale ahâla?

Mateyo 5:22

Ci niehe mmubwîzire oku ngasi yêshi wabîkire owâbo oburhè, ayish’ihanwa omu lubanja. Naye owabwîre owâbo mpu kadunduguli, akwânîne okuhanirwa e kagombe. N’owabwîre owâbo mpu musirhe, âyish’ihanwa omu nyenga y’omuliro.

Mateyo 9:4

Naye Yezu erhi acîbona enkengêro zâbo, aderha, erhi: «Bici mudwîrhe mwakengêrera amabî omu mirhima yinyu?

Marko 3:5

Anacibagezamwo amasù, akunîre anali burhè erhi mirhima yâbo mibî erhuma; abwîra olya muntu, erhi: «Lambûla okuboko». Akulambûla, n’okuboko kwâge kwafuma.

Luka 7:39

Olya Mufarizeyi wali omulalisire, erhi abona okwo, acîdôsa emurhima, erhi: «Oyu muntu acibâga mulêbi, anali amanya mukazi muci oyu wamuhumakwo n’o­bwôrhere bwâge: ali munya-byâha!»

1 Bakorinti 10:24

Ntâye olonzagye obunguke bwâge yêne, ci alonze obw’abandi.

1 Bakorinti 10:33

nk’okûla niono ncîsêza okusîmîsa boshi omu ngasi kantu. Ntalonza bunguke bwâni, ci bunguke bwa banji, nti lyo bacunguka.

1 Bakorinti 11:18

Burhanzi, nayumvîrhe mpu amango muli haguma omu ndêko, muli mwe hânabè abaciberûla, n’okwôla nkuyêmîre obwo, ci arhali kwoshi.

1 Bakorinti 12:25

mpu lyo omu mubiri mulek’ibà obwîyungule, ci mpu lyo ebirumbu bikaz’ishîbirirana.

1 Bakorinti 7:36

Cikwône erhi omuntu ankakenga abonêsa omunyere wâge enshonyi omu kumuleka akulûluka, n’erhi ankabona oku okwo byanabà ntyo, ajire nk’oku alonzize; erhi ntà câha ajizire: amuleke ayankwe.

2 Bakorinti 5:19

Bulya Nyamuzinda yêne washubizagya igulu omu bwîra bwâge muli Kristu, erhi ayibagira obubî bw’abantu, n’erhi arhuheba ekanwa enderho z’okushubiza abandi omu bwîra bwâge.

Bagalasiya 5:13

Mwêhe, bene wîrhu, mwahamagîrwe mpu mubè ntagengwa. Ci mumanye okwo kubà ntagengwa kurhabâga igwârhiro ly’okushimbulira amasîma g’omu­biri; ci ngasi muguma akarhumikira abâbo omu buzigire.

Bafilipi 2:21

Kali boshi banakalonza obunguke bwâbo bône, ci barhalwîra ebya Kristu!

Bafilipi 4:8

Ceci, bene wîrhu, ngasi biri by’okuli, ngasi biri nkana, ngasi bishingânîne, ngasi bicîre, ngasi bikwânîne okuzigirwa n’okukengwa, ngasi nkômedu nyinjà na ngasi kantu kakwânîne okukuzibwa, ebyôla byo mushîbirirage.

2 Tesalonika 3:7

Ninyu mwêne murhahabiri oku kukwânîne murhulolerekwo olwiganyo. Erhi rhuli emwinyu, rhurhabêraga buzira mukolo,

2 Timoteyo 2:10

Okwo kwo kurhuma ndembera amalibuko goshi abîshogwa barhumire, nti lyo nabo babona obucire bubà muli Kristu Yezu haguma n’irenge ly’ensiku n’amango.

2 Timoteyo 4:16

Erhi mbûlana obw’oburhanzi, ntâye wanyimangîre; boshi bandikirira. Mâshi okwo kurhabatumuzibagwa!

Yakôbo 1:19

Murhahabiri aho, bene wîrhu bazigirwa: ngasi muntu akâbangaduka omu kuyumvîrhiza, ci arhabaga wa kuderha duba, orhanabaga wa kukunira duba.