1 Bakorinti 13:12 - BIBLIYA NTAGATIFU OMU MASHI

¹² Buno rhucidwîrhe rhwabonera omu cilolero olubwibwi lurhuli omu masù, ci ago mango rhwayish’ibona bwinjinjaa amasù omu masù. Buno obumanye bwâni buli bwa bihimbi, ci ago mango nâmanya nk’oku mmanyirwe.

1 Bakorinti 13:12 ပူးပေါင်းရင်းမြစ်များ

Murhondêro 32:30

Yakôbo amuyinginga, erhi: «Ombwîre nâni izîno lyâwe». Ci yêhe amushuza, erhi: «Cici ondokîze izîno lyâni?» Ho na halya amugisha.

Ayubu 19:26

Kandi buzinda nkola nyimanzire, mbà namâshubira omu luhù lwâni, mbà namâzongwa nalwo, n’omubiri gwâni nayîsh’ibona Nyamuzinda.

Ayubu 36:26

Nêci Nyamuzinda ali mukulu, alushire obumanye bwîrhu, omubalè gw’emyâka yâge gurhankaheka!

Lubungo 33:11

Nyakasane àkâgishambâla bo na Mûsa busù oku busù nka kula omuntu anashambâza owâbo muntu. Okuhandi Mûsa àkagishubira ebw’icumbi, ci omurhabâzi wâge Yozwè, mwâna wa busole mwene Nuni, yêhe arharhengaga omu Cihando.

Ezekiyeli 17:2

Mwene omuntu, otwe omugani onahâne olwiganyo oku mulala gw’Israheli;

Mibalè 12:8

“Nankazimushambâza rhuyerekezanye akanwa, nciyêreke ye ci ntamushambaliza omu migani, yêne anahashilolêreza obusù bwa Nyamubâho. Carhumirage murharhînya okujà kwaderhaderha kubî mwambali wâni Mûsa?”»

Mateyo 18:10

“Mumanye murhagayaguzagya ciru n’omuguma muli abà bâna barhôrhô: mmubwîzire ntyo bulya Bamalahika bâbo omu mpingu barhahusa okubona obusù bwa Larha oli omu mpingu”». [

Mateyo 5:8

Iragi lyâbo ab’emirhima ecîre, bulya bayish’ibona Nyamuzinda.

Yowane 10:15

nka kulya Larha anyishi nâni nyîshi Larha; nampâne obuzîne bwâni ebibuzi byâni birhuma.

Barom 8:18

Nêci, mbwîne niehe oku amababale g’en’igulu garhankagererwa oku bukuze rhwayish’ihâbwa.

1 Bakorinti 13:11

Erhi nciri mwâna murhò, nakâg’iganîra nka murhumba nakâg’ikagerêreza nka murhumba, nanakarhimanya nka murhumba, ci erhi mbà mulume, naleka eby’eburhò.

1 Bakorinti 8:3

Ci erhi omuntu ankasîma Nyamuzinda, anamanyibwa na Nyamuzinda.

2 Bakorinti 3:18

Ci rhwêhe kuno rhunali, obusù burhali bubwîke, rhudwîrhe rhwabonekamwo irenge lya Nyakasane nk’omu ndolero, rhudwîrhe rhwahindulwa mpu rhushushe n’eyo nshusho, rhulangale kulusha rhunalangashane, nk’oku Nyakasane alonzize, bulya abà Mûka.

2 Bakorinti 5:7

bulya buyêmêre rhudwîrhe rhwagendamwo, ci arhali masù».

Bafilipi 3:12

Ntadesiri nti nkola mpisire nîsi nti nkola mbà mwimâna; ci ncikulikire enjira yâni, ndole erhi nankamushikira bu­lya nâni niene nagwârhagwa na Yezu Kristu.

Yakôbo 1:23

Bulya oyumvîrhiza akanwa ka Nnâmahanga arhanakajire, kwo ali ak’omuntu wasinza obusù bwâge omu cilolero mpu alole iranga aburhanagwa.

1 Yowane 3:2

Bîra bâni, buno rhuli bâna ba Nyamuzinda, ci oku rhwâyish’iyôrha kurhac’ibonekana. Kwône rhumanyire oku amango kwâbonekana, rhwâyish’imushusha, bulyâla rhwânamubone nk’oku anali.

Mafulûlo 22:4

banabone obusù bwâge, n’izîno lyâge libajè emalanga.