1 Bakorinti 12:11 - BIBLIYA NTAGATIFU OMU MASHI

¹¹ Ci ebyo byoshi bijirwa na Mûka muguma yêne, ye nagabira ngasi yêshi enshôkano zâge nk’oku analonzize yêne.

1 Bakorinti 12:11 ပူးပေါင်းရင်းမြစ်များ

Mateyo 11:26

“Nêci, Larha, bulya kwo walonzize ntyo”.

Mateyo 20:15

Ka ntankajira ebyâni oku nalonza? Nîsi nkaba isù lyâwe lyo libî bulya ndi mwinjà?»

Yowane 3:27

Yowane anacishuza, erhi: «Ntâco omuntu ankacîhà nka cirhamuhirwi kurhenga enyanya.

Yowane 3:8

“Empûsi olunda esîmire lwo enahûkiza: onayumve omuhûsi gwâyo, ci orhîshi emunda yarhenga erhi emunda yajà. Kwo n’okwo ngasi yêshi oburhwa na Mûka”».

Yowane 5:21

“Nka oku Îshe afûla abafù anabahè obuzîne, kwo n’okwo Omugala naye abalonzize anabahè obuzîne”.

Barom 12:6

Kandi rhwahîrwe enshôkano zirhali kuguma, ngasi muguma nk’oku anashobwîre. Owahîrwe enshôkano y’obulêbi, ayikolêse nk’oku obuyêmêre bunadesire;

Barom 9:18

Ntyôla, anababalire oyu alonzize, n’oyu alonzize okudundaguza amudundaguze.

1 Bakorinti 12:18

Câba Nyamuzinda agwîsire ebirumbu byoshi byoshi ngasi ciguma omu mubiri nk’oku anali alonzize.

1 Bakorinti 12:4

Nêci, nshôkano za Mûka ziri za ngasi lubero; ci Mûka ali muguma yêne.

1 Bakorinti 12:6

N’emikolo guli mwandu, ci Nyamuzinda anali muguma yêne okola byoshi muli boshi.

1 Bakorinti 7:17

Aha nyuma ly’okwôla, ngasi muguma ayôrhe nk’oku Nyakasane anamugabîre, kulya anali erhi Nnâmahanga amuhamagala. Kwo nyigîriza ntyo omu Ekleziya zoshi.

1 Bakorinti 7:7

Nankasîmire boshi babè akâni; ci ngasi muntu ahâbwa na Nyamuzinda yâge yâge nshôkano, muguma eyi, owundi era.

2 Bakorinti 10:13

Rhwêhe rhurhacîkuza kurhaluka olugero, ci olugero Nyamuzinda arhugereragamwo erhi arhuhisa emwinyu, lwo rhwanacîgereramwo.

Befezi 1:11

Muli ye kandi rhwacishozirwe mpu rhubè mîmo, rhwagoshôlwa kurhenga mîra oku bulonza bw’Olya ojira byoshi nk’oku alonzize yêne,

Befezi 4:7

Ci kwônene ngasi muguma muli rhwe ahâbirwe eyâge ngalo nk’oku anatwîragwa n’enshôkano ya Kristu.

Bahabraniya 2:4

Nyamuzinda yêne asêza obwo buhamîrizi omu kuyêrekana ebimanyîso n’ebirhangâzo n’ebisômerîne bya ngasi lubero, haguma n’enshôkano za Mûka Mutagatîfu, nk’oku alonzagya yêne.

Yakôbo 1:18

Yêne walonzagya okurhuburha omu luderho lwâge lw’okuli, mpu rhubè rhwe murhondêrero gw’ebiremwa byâge.