1 Bakorinti 11:3 - BIBLIYA NTAGATIFU OMU MASHI

³ Cikwônene nnonzize mumanye oku ngasi mulume Kristu ye Nnawâbo; n’omukazi nnawâbo ye mulume; naye Kristu nnawâbo ye Nyamuzinda.

1 Bakorinti 11:3 ပူးပေါင်းရင်းမြစ်များ

Murhondêro 3:16

Abwîra nyamukazi, erhi: «Nkolanayûshûla amalumwa gâwe, n’amazîmi gâwe omu malumwa okola wakaburha abâna. Kulalikira okolaga wakalalikira balo, ci naye akola ayish’ikâkuzidohera.»

Izaya 52:13

Alà oku Omurhumisi wâni abà n’omugisho omu majira gâge, ayûshûka, akula anaj’irenge bwenêne.

Izaya 55:4

Loli oku ye nayimanzize, namujira muhamîrizi w’amashanja, muluzi w’okurhambula embaga.

Mateyo 28:18

Yezu anacibashegeraho, ababwîra, erhi: «Obuhashe bwoshi bw’omu mpingu n’obw’igulu nabuhîrwe.

Yowane 14:28

“Mwayumvîrhe oku nammubwîrize, nti”: “Nkola, ci nâgaluka emunda muli.” Mucibâga munzigira, rhinga mudwîrhe mwacîshinga, kulya kubà nâja emwa Larha, bulya Larha ye mukulu kundusha”.

1 Bakorinti 3:23

ci mwoyo mubà ba Kristu, na Kristu abà wa Nyamuzinda.

Befezi 4:15

Ci omu kujira eby’okuli omu buzigire, rhwayûshûka omu ngasi njira, rhuyegere irhwe, ye Kristu.

Bakolosi 1:18

Kandi yêne y’irhwe ly’omubiri, yo Ekleziya; y’Imerero, ye Nfula omu bafîre; na ntyo ye murhanzi muli byoshi.

Bakolosi 2:10

ye irhwe lya ngasi Mâmi na ngasi Mahashe.

Bakolosi 2:19

Abôla bantu barhasêra oku irhwe lilîsa omubiri gwoshi n’okugusimbanya, oku burhabâle bw’enungo n’emisî, mpu lyo gushunjûka muli Nyamuzinda.

Bakolosi 3:18

Bakazi, mukâyumva babalo, nka kulya bikwânîne muli Nyakasane.

1 Petro 3:1

Ntyôla, ninyu mwe bakazi, mukâyumva babalo, lyo ciru hankajira abarhalonza okuyêmêra Oluderho, balêrhwa n’olwiganyo lwa bakâbo buzira binwa,