1 Bakorinti 11:20 - BIBLIYA NTAGATIFU OMU MASHI

²⁰ Mwêhe erhi mwac’ijà haguma, kurhaciri kuderha mpu mulye Ishêga lya Nyakasane.

1 Bakorinti 11:20 ပူးပေါင်းရင်းမြစ်များ

Zakariya 7:6

N’amango mudwîrhe mwalya munadwîrhe mwanywa, kubà kucisimîsa kwinyu kurhuma mwajira ntyo!»

Ebijiro 2:42

Obushiru bwâbo bwàli bunji omu kushimba enyigîrizo z’Entumwa, n’omu cinyabuguma, n’omu kubega omugati, n’omu kuharâmya.

Ebijiro 2:46

Ngasi lusiku n’omurhima muguma, bakômeraga okujà omu ka-Nyamuzinda, banakâg’ibega omugati omu mwa bâbwè, bakâlya ebiryo byâbo omu bushagaluke, buzira murhima gw’obulyâlya.

1 Bakorinti 11:17

Obûla ndwîrhe nammuhanûla, (lekagi mmubwîre oku) ntammusîmiri bulya okujà kwinyu haguma kurhammujirira minjà, ci mabî.

1 Bakorinti 11:19

Nêci, kukwânîne habè empiriri muli mwe, lyo abantu b’enkômedu zikomîre bamanyikana.

1 Bakorinti 11:21

Bulya erhi muhika oku cîbo, ntà kucilinda abandi, ci ngasi muguma ajekwo alya e­byâge yêne; na ntyo oku baguma bafà n’ishali, abandi erhi balalusire.

Bahabraniya 10:25

Rhurhalekaga okukâjà haguma, kulya baguma badwîrhe bakâjira; ci rhukâhânana omurhima, na bwenêne bulya mubwîne oku Olusiku luli hôfi.

2 Petro 2:13

na ntyo bâhâbwe obuhane, bubè luhembo lw’obubî bwâbo. Balongeza iragi omu masîma ga kasanzi kasungunu. Abo bantu bayunjwîre izinga n’obulema, banakammurheba n’iralà lyâbo omu kulya amadinie haguma ninyu.

Yûda 1:12

Abo bantu bo bakâzinza amadinye ginyu g’ecinyabuguma. Nka balya, barhabà nshonyi, na ntà cindi bakengêra okurhali kuyunjuza amada gâbo. Kwo bali nka bitù birhalimwo nkuba bidwîrhe byayehûlwa n’empûsi; eri mirhi ya canda erhalikwo malehe, efîre kabiri enakundusire!