1 Bakorinti 11:2 - BIBLIYA NTAGATIFU OMU MASHI

² Mmusîmire bulya omu ngasi kantu munankegêre, na bulyâla munakâshimba emigenzo nammusigiraga.

1 Bakorinti 11:2 ပူးပေါင်းရင်းမြစ်များ

Luka 1:6

Bombi bâli bashinganyanya embere za Nyamuzinda, banakâg’ishimba kwinjà amarhegeko ga Nnâmahanga goshi na ngasi byoshi biyandisirwe.

1 Bakorinti 11:17

Obûla ndwîrhe nammuhanûla, (lekagi mmubwîre oku) ntammusîmiri bulya okujà kwinyu haguma kurhammujirira minjà, ci mabî.

1 Bakorinti 11:22

Nkaba­ga murhajira emwa bînywè mwankalira munanywe? Nîsi erhi kugaya Ekleziya ya Nyamuzinda n’okulimbira abarhagwêrhi bici? Kurhi nammubwîra lêro? Ka mpu mmukuzagye? Nanga, ntammukuzizi kuli okwo.

1 Bakorinti 15:2

yo yanammuciza erhi mwankayilanga nk’oku nammubwîragayo. N’akabà arhali ntyo, erhi mwayêmîre bya busha.

1 Bakorinti 4:17

Co canarhumaga nammurhumira Timoteyo, mugala wâni ntonya n’okwânîne okucîkubagirwa muli Nyakasane; a­mmukengêza oku nyôrha n’oku nyigîriza muli Kristu, kulya nanyigîriza hoshi hoshi omu Ekleziya zoshi.

1 Bakorinti 7:17

Aha nyuma ly’okwôla, ngasi muguma ayôrhe nk’oku Nyakasane anamugabîre, kulya anali erhi Nnâmahanga amuhamagala. Kwo nyigîriza ntyo omu Ekleziya zoshi.

1 Batesalonika 1:6

Ninyu mwarhulolerakwo olwiganyo, mwacîsêza okushusha Nyakasane, mwayankirira Oluderho n’enshagali ya Mûka Mutagatîfu, n’obwo mwâli omu malibuko manji,

1 Batesalonika 3:6

Ci buno Timoteyo arhuhandîre, arhenga emwinyu, arhudwîrhîre emyanzi minjà y’obuyêmêre bwinyu n’obuzigire bwinyu; arhubwîzire oku kudula muci­rhudula, n’oku mucîfinja bwenêne okushub’irhulolakwo nk’oku nîrhu rhucîfinja okushub’immubonakwo.

2 Tesalonika 2:15

Ntyo, bene wîrhu, mukomere, munasêre kw’erya migenzo rhwammuyigîrizagya n’akanwa erhi omu maruba.

2 Tesalonika 3:6

Rhummurhegesire, bene wîrhu, oku izîno lya Nyakasane Yezu Kristu, nti muyâke ngasi mwene wîrhu ôbà mwôlo n’orhashimba emigenzo rhwammusigiraga.