1 Bakorinti 10:4 - BIBLIYA NTAGATIFU OMU MASHI

⁴ bànanywa boshi cinyôbwa ciguma c’enyanya. Bakâg’inywa oku mîshi g’omu ibuye ly’enyanya lyàli libalusize; n’eryôla ibuye lwàli lwîganyo lwa Kristu.

1 Bakorinti 10:4 ပူးပေါင်းရင်းမြစ်များ

Murhondêro 40:12

Yozefu amubwîra, erhi: «Yumvagya okwo kwo kuderha kurhi: Ago mashami asharhu g’omuzâbîbu gayêrekîne nsiku isharhu.

Murhondêro 41:26

Ezo nkâfu nda nyinjà ziyerekîne myâka nda; n’emihuii nda minjinjà nayo eyêrekîne myâka nda. Ciri cilôrho ciguma.

Ennanga 105:41

Abasa ibuye amîshi gàpamukamwo, gàhulula omu irungu nka lwîshi erubanda.

Ennanga 78:15

Abêra amabuye omu mpinga àbanywesa bàguka aka owanywer’aha nshalalo,

Ennanga 78:20

Mpu: «Dala oku abîre nk’akoma okw’ibuye amîshi gafukûkamwo, ashûrh’okw’ibuye enyîshi zapamukamwo. Mpu: Omugati gwo? K’akarhuboneragwo, nîsi erhi aderhe mpu alîsa olubaga lwâge oku hy’amîru?»

Lubungo 17:6

Naj’iyimanga oku ibuye liri aha Horebu, embere zâwe eyo munda. Oyîsh’ishûrha ibuye, amîshi garhengemwo, olubaga lunywe.» Mûsa anacikujira, omu masù g’abagula b’Israheli.

Izaya 43:20

Ensimba zânkuza, banyambwe n’enkongôro, bulya nahizire amîshi omw’irungu, n’enyîshi omu bulambo, lyo nkanywêsa olubaga lwâni, omwîshogwa wâni.

Izaya 48:21

Barhagwârhagwa na nyôrha omu bihugo by’irungu abahêkaga. Abashalaliza amîshi omu lwâla: Ahahanyula ibuye, n’amîshi gahulula.

Daniyeli 2:38

“na ngasi habà muntu n’ensimba z’erubala, n’enyunyi z’emalunga byoshi abihizire omu maboko gâwe: we oligi lirya irhwe ly’amasholo”.

Daniyeli 7:17

«Ezôla nsimba nnênênè oku ziri inni, bali bâmi bâni banayishe hano igulu;

Mibalè 20:11

Mûsa anacilambûla okuboko, ashûrha kabirhi kulya ibuye n’akarhi kâge: mwanacivongoboka mîshi manji, olubaga lwanywa kuguma n’ebintu byâlo.

Yowane 4:10

Yezu amushuza, erhi: «Ocimanyaga enshôkano ya Nnâmahanga okanamanya ndi okubwîzire, erhi: “Mpà nâni nnywe”, wakabire we muhûna, naye anakakuhîre amîshi g’obuzîne».

Yowane 4:14

Ci owanywe oku mîshi namuhà, arhakayumva nyôrha ciru n’eliguma; bulya amîshi namuhà gamuhindukamwo iriba lyakahululamwo amîshi g’obuzîne bw’ensiku n’amango».

Yowane 7:37

Oluzinda lw’olusiku lukulu, lwo lulushire ezindi, Yezu anaciyimanga, ayâkûza n’izù linene, erhi: «Ngasi ogwêrhwe n’enyôrha, ayishe emunda ndi, anywe;

Bagalasiya 4:25

bulya Sînayi omu Arabiya abà, - ye Yeruzalemu wa buno, oli mujà bo n’abâna bâge.

Lushika 9:21

Nayanka cirya câha cinyu mwâli mutuzire, kalya kanina, nakayanka nakayôca, nakavungunyula koshi nakajira muyonga nagukwêba omu mugezi gwahona oku ntondo.

Bakolosi 2:17

Ebyo byoshi biri cizunguzungu cône c’ebyaciyîsha; ci okuli kwônene guli mubiri gwa Kristu.

Bahabraniya 10:1

Kulya kubà Amarhegeko gàli cizunguzungu c’aminjà gâyisha, ci arhali ebyo bintu byonêne, n’ago marherekêre gayôrha go n’ago, ganarherekêrwa ngasi mango na ngasi mwâka, ntâkwo gankahash’ihindula bimâna abayegera Nyamuzinda.

Mafulûlo 22:17

Mûka n’Omuhya bàdesire, mpu: «Yisha!» Oyumvîrhe naye aderhe, erhi: «Yisha!» N’oli nyôrha ayishe, n’olonzize ayanke amîshi g’obuzîne buzira kugagula.