1 Bakorinti 1:5 - BIBLIYA NTAGATIFU OMU MASHI

⁵ Bulya muli Ye, mwayunjuzîbwe obuhirhi boshi, bulya bw’oluderho lwa Nnâmahanga boshi na bulya bw’obumanye boshi,

1 Bakorinti 1:5 ပူးပေါင်းရင်းမြစ်များ

Ebijiro 2:4

Boshi banaciyunjula Mûka Mutagatîfu, barhondêra okushambâla ezindi ndimi, nk’oku Mûka Mutagatîfu akâg’ibabwîra.

Barom 11:12

N’akabà okuhirima kwâbo kwahindusire buhirhi bw’igulu, n’obukenyi bwâbo bwâbà buhirhi bw’abapagani, hano bagaluka ntuliri, ka barhahagaze kulusha?

Barom 15:14

Nâni niene mmanyire kwinjà, bene wîrhu, oku mw’oyo muyunjwîre nkengêro nyinjà, oku muyunjwîre ngasi bumanye, n’oku muhashire okukâhanûlana mwêne na nnene.

Barom 15:4

N’ebyayandikagwa mîra byoshi, rhwe byayandikiragwa, mpu bibè nyigîrizo zîrhu, lyo rhubà n’obulangâlire omu kubona kurhi Nnâmahanga akâg’irhandûla n’oku­rhûliriza olubaga lwâge omu Mandiko matagatîfu.

1 Bakorinti 12:10

Hali owahabirwe obuhashe bw’okujira ebisômerîne, n’owundi ahâbwa enshôkano y’obulêbi; baguma bahîrwe enshôkano y’okumanya ebiri omu murhima, abandi enshôkano y’okumanya endimi, n’abandi enshôkano y’okuzihugûla.

1 Bakorinti 12:8

Baguma bàhîrwe na Mûka iderha ly’obushinganya, n’abandi bashobôla iderha ly’obumanye muli oyôla Mûka muguma yêne.

1 Bakorinti 13:2

Ciru nankabà ngwêrhe obuhashe bw’okulêba, nkanamanya amahwe goshi; n’amenge goshi; ciru na­nkagwârha obuyêmêre bwimâna, bulya bwankamanyula entondo, nka ntà buzigire njira, erhi nnandi busha.

1 Bakorinti 13:8

Ntà mango obuzigire bwâhwe. Ci amalêbi gohe kuyûrha gâyûrhe; endimi kuguguma zâgugume; amenge kuhirigirha gahirigirhe.

1 Bakorinti 14:26

Kurhi rhwaderhaga, bene wîrhu? Mukajà haguma, ngasi muguma anabà agwêrhe olwimbo, erhi enyigîrizo, erhi obulêbi, erhi enshôkano y’okuderha e­ndimi, erhi ey’okuzihugûla. Ebyo byoshi bijirwe omu kulonza okuyûbaka.

1 Bakorinti 8:11

Na ntyo obwenge bwâwe bwanarhuma oyo muzamba ahera, oyo mwene wîrhu Kristu afîraga!

2 Bakorinti 4:6

Bulya Nyamuzinda waderhaga mpu omu omwizimya murhenge obumoleke, yêne ye wanamolekeraga omu mirhima yîrhu, mpu obulangashane bw’irenge lya Nyamuzinda liri ebusù bwa Kristu bumanyibwe.

2 Bakorinti 6:10

mpu rhuli burhè, n’obwo rhurhayôrha rhurhashagalusa; mpu rhuli ba buligo, n’obwo banji rhugaza; mpu rhurhagwêrhi kantu, n’obwo ntâco rhurhajira. Abakorinti nabo bayigule emirhima.

2 Bakorinti 8:7

Ci kulya mulushana muli byoshi: omu buyêmêre n’omu kumany’iderha, n’omu buzigire rhwammuyigîrizagya, ntyo kwo munalushanage na mw’okwo kurhabâla abandi.

2 Bakorinti 9:11

Ntâho murhacigalira obwo, munakolaga mwâbona oku mwankarhabâla abà­ndi omu ngasi kantu, na ntyo Nyamuzinda avugwe omunkwa oku bulagizi bwîrhu.

Befezi 1:17

nti Nyamuzinda wa Nnawîrhu Yezu Kristu, Îshe w’irenge, ammuhè omurhima gw’obushinganyanya anammufulûlire amahwe gâge, lyo mumumanya bwinjà.

Befezi 2:7

mpu ayêrekane omu myâka yayisha obuhirhi burhajira Lugero bw’engalo yâge n’o­bwinjà bwâge kuli rhwe muli Kristu Yezu.

Befezi 3:8

Nie munyi omu bakristu boshi, nie nashobwîre enshôkano y’okumanyîsa abapagani obuhirhi bwa Kristu burhajira Lugero

Befezi 6:19

Munsengere nâni, lyo mbona oku nabumbûla akanwa, nderhe nampanûle n’oburhwâli ihwe ly’Emyanzi y’Akalembe;

Bafilipi 1:9

N’eci nshenga c’eci: nti obuzigire bwinyu buyûshûke ngasi lusiku kulusha omu bumanye n’omu burhimanya,

Bakolosi 2:3

ye bamwo obuhirhi bwoshi bw’obushinganyanya n’obumanye.

Bakolosi 3:10

mwacîhundikira omuhyâhya, olya ocîsêza okuhinduka nshusho y’Omulemi wâge, mpu lyo ahika oku bumanye bw’okunali.

Yakôbo 3:13

Ndi muli mwe oli mushinganyanya na mwenge? Ayêrekane n’olugendo lwâge lwinjà oku ebijiro byâge biri bya butûdu n’obushinganyanya.

2 Petro 3:18

Muyûshûke erhikwo omu nshôkano n’omu bumanye bwa Nnawîrhu n’Omucunguzi Yezu Kristu. Kuli ye irenge, buno na kuhika olusiku lw’emyâka n’emyâka! Amen!