1 Bakorinti 1:11 - BIBLIYA NTAGATIFU OMU MASHI

¹¹ Bulya, yâgi bene wîrhu, nayumvîrhe kuli mwe, oku bantu b’emwa Kolowe, mpu akadali kali ekarhî kinyu.

1 Bakorinti 1:11 ပူးပေါင်းရင်းမြစ်များ

Murhondêro 27:42

Erhi bamanyîsa Rebeka ebyo binwa bya Ezau ye mugala mukulu, arhumiza Yakôbo ye mugala murhò, amubwîra, erhi: «Mukulu wâwe Ezau ahizire okucîhôla kuli we mpu akuyirhe.

Murhondêro 37:2

Alaga emyanzi ya Yakôbo: Yozefu ali akola agwêrhe myâka ikumi na nda. Akazâg’iyabula ebibuzi bo na bakulu bâge b’omu mwa bak’îshe. Aciri murhò, akàyabula boshi na bagala ba Bilaha, na bagala ba Zilafa. Yozefu abwîra îshe emyanzi migalugalu bakazâg’ibaderhera.

Migani 13:10

Akagayo, nnôngwe katula; aha bakengana ho oburhimanya bushundwa.

Migani 18:6

Olulimi lw’ecinganyi lunacihêke ekagômbe, n’akanwa kaco kanatule entembala.

1 Bakorinti 1:10

Mwe mukasinga mâshi, bene wîrhu, oku izîno lya Nnawîrhu Yezu Kristu, muyumvanye; mumanye mwankac’iberamwo; mubè baguma omu murhima, n’omu nkengêro.

1 Bakorinti 1:12

Kwo kuderha oku ngasi muguma anakaderha, erhi: «Niono, ndi wa Paolo! Nâni, ndi wa Apolo! Nâni, ndi wa Kefa! Nâni niehe, ndi wa Kristu!»

1 Bakorinti 11:18

Burhanzi, nayumvîrhe mpu amango muli haguma omu ndêko, muli mwe hânabè abaciberûla, n’okwôla nkuyêmîre obwo, ci arhali kwoshi.

1 Bakorinti 3:3

kulya kubà mucicîkubagira eby’omubiri. Oku haciri obwâgalwa n’akadali ekarhî kinyu, k’erhi murhaciri bantu bacîkubagira eby’omubiri obwo, k’erhi n’olugendo lwinyu lurhali nka lwa bantu kwône obwo?

2 Bakorinti 12:20

Bulya nyôbohire nti nkaba hano nyisha, arhali oku nnonzize mubè kwo nashanga muyôsire; nti ninyu mwakanashanga nyôsire oku murhalonzizi mbè; nti nakanashanga mulimwo ennongwè, obwâgalwa, omungo, orhudali, okuderherana kubî, okuhûranana, obucîbone n’akavuli­ndi.

Bagalasiya 5:15

Ci akabà munakashoshôbana n’okulyâna mwêne na nnene, mumanye mwahezanya!

Bagalasiya 5:20

okurherekêra abazimu, okujira eby’obukurungu, okushombana, akavulindi, obuyâgalwa, obukunizi, ennongwè, okurhayumvanya, okucîberamwo,

Bagalasiya 5:26

Rhurhakâg’icîlongeza obukuze burhali bwo; rhuleke okukahalalirana n’okuyâgalwa n’abirhu.

Bafilipi 2:14

Muli byoshi mukole buzira kucîduduma na buzira kurhindira,

1 Timoteyo 6:4

oyo muntu erhi guli muhûrha gw’obucîbone, erhi cingolo­ngolo, erhi mulwâla wajà walonza ebya bushabusha n’orhudali rhw’ebinwa. N’ebyôla byo bilêrha obwâgalwa, akavulindi, ebijâci, okucîkebwa abandi busha,

Tito 3:9

Ci amadôso g’obuhwinja, eci­nyamulala c’amâburhwa, ennongwè n’akadali oku Marhegeko, obiyâke; bulya biri bya busha na ntà kamalo kâbyo.