Ho igoungu ngini naa Ma Jou duru winidora nginika, de Unangoo winiahoko Unangino, de hiadono nginioo nidadioka to Una ma hirete ai nyawa! Ho naa ahi hurata ma goronaka de ngohi ahi tabea tohidingoto ngini ahi gogianongoru mata-mataika o Roma ma kotaka. De ngini mata-mata tinigahoko Ma Jou nanga Baba de o Yesusu Kristusu nanga Baluhiye la ai owa de ai hininga ma miriidi winihidoaka nginika.
Yudasa 1:2 - Ma Jou ai Demo-demo o Totobelohoka2 De naa ngohi tonganono abe ngini ka ihikaika niamake Ma Jou ai owa de ai hininga ma miriidi de ai hininga ma dora, la hiadono gea ka idogo-dogo nia kokihiningaka. အခန်းကိုကြည့်ပါ။ |
Yudasa 1:2
6 ပူးပေါင်းရင်းမြစ်များ
De naa ahi demo ma dumutu ka nginikaua dika abe ngini ko o Yahudi ma nyawaikaua, masara naa tinihidumutu nginikaoo abe o Yahudi ma nyawa abe ngini niagou-goungu nidadioka to Ma Jou ai nyawa idodutu. De hokonaa ahi demo. De ngini onagona dika abe nia wowangoka de nianiiki de ahi behehongo gea ma demo nginika, de gea ngini ahao niamake ai hininga ma miriidi de ai hininga ma dora Unangino.
De ngini naa duru ma dodihiraka de Ma Jou o Baba winihiorikokau abe ngini ahao nidadi to Una ai nyawa duru ma hohailoa. De ipahaino de idadi hokogea, abe Ma Jou o Womaha winitingaka ngini o nyawa manga hidogoronaka de aino. De abe Una winitingaka ngini, gea to Una ai hininga ma dumutu la ngini duru niwihingounu Unangika. De ufa ngini niawohanga abe o Yesusu Kristusu womahidoaka la ai awunino de ngini ka idadi niwiniiki de niwihingounu Unangika. De hokogea Ma Jou winiao nginika ma titi ma dodihirakahi de ngini winihiorikokau abe ahao nidadi to Una ai nyawa duru ma hohailoa. De ngini naa to Una ai nyawa abe tinihurata nginika. De naa ngohi tinigahoko Unangiye la ahao to Una ai hininga ma owa de ai hininga ma miriidi gea duru ma amoko winihidoaka nginika.
ကြော်ငြာတွေ