Yosua 9:11 - Ma Jou ai Demo-demo o Totobelohoka

¹¹ Ho ngomi miihene nia Jou ai datoro onangika gea, de mia hihira de mia gogianongoru mata-mata mia tonakoka imihuloko ato, ‘Nimahidiaioka de nia bilaono de nisobo nitagi-tagi onangika gea la ka idadi niatutumu. De ma oraha nimahiadono onangika de kiani niahingahu abe ngone mata-mata homahidiaioka la homahibaluhu de haleleani onangika. De kiani ngini duru nimagahoko la o dame ma behehongo yodiai de de ngone.’ Hokogea mia gogianongoru de mia hihira imihibehehongo.

Yosua 9:11 ပူးပေါင်းရင်းမြစ်များ

Dodadi 43:12

De o inomo ma bobangu kiani ma hinootoino nifangu abe ma dihira ma tiwi niamake nia karongo ma bionoka kiani nihigilio angamoi marai yahowono yakelenga genangoka. De ahao o tiwi utuohi niao la nifanguoli o inomo abe naa niloiki ninaijali.

Estere 8:17

De o propinsi mata-mataika ma kota-kota o kiaka dika yabasa o koano ai pareta ma hurata ma hungi nenanga de o sosanangi imakiniiki. Abe ma oraha yabasa o hurata naa de o Yahudi ma nyawa ka de yoihene de duru yogarago. De ona ihirame-rame o pareta ma hungi nenanga de yodiai o ngolo-ngolomo de duru yorame-rame. De naga o nyawa abe ko o Yahudi ma nyawaua masara naa onangoo duru yoigo yodadi o Yahudi ma nyawa hiadono yomahisapuru onangika hiadono yaturuuru manga agama de ka yaniiki dika o Yahudi ma nyawa manga agama. De hokogea yodiai angamoi de o pareta ma hungi naa ona yomulaenge yamodongo o Yahudi ma nyawaika.

Lukasa 9:3

Ho ko yosobouahi de Una wahibehehongohi onangika wato, “De nia dodagi naa de ufa nia kiahonanga nimagao. Abe ngaro nia tutukunu de nia beta-beta abe biaha nia kiahonanga nionoa genanguku, ma gea ngaro ufa dika nimagao. De nia bilaono de nia tiwi enangoo ufa nimagao, de abe nia baju ka idadi nimahinoauku de nia baju abe ka nia kokiroehoka dika niapake, masara nako nia baju ma doduruuru gea ngaro ufa dika de niao.”

Yosua 1:11

Ho wahuloko onangika wato, “Ngini o dimo-dimono kiani niatutumu ti ngini nia kokawaaha mata-mataika nia doomu homoi-homoiika. De niahingahu onangika hokonaa, niato, ‘Itigioka hosobo ho mata-mata abe ngini niperelu nimahidiai. Ho ngini kiani ma oraha naa nimahidiaioka hiadono nia bilaonoo ibooto angamoi hangeoka dika de ngone hosobo o Yorodani ma akerika la ahao ka idadi homahihora hotobongo doka ma honongaika! Naa adonoka ma oraha abe ngini ka idadi nimahitingini ma tonaka gea abe Ma Jou o Yawe, ti ngini nia Jou, winihidoakoka nginika.’ Hokogea ngini o dimo-dimono niahingahu nia nyawaika la ma oraha hosobo de ona mata-mataika kiani yomahidiaioka.” Hokogea o Yosua ai behehongo o Isiraele ma nyawaika abe kiani ona manga dimo-dimonoli yadofangoli manga doomu homoi-homoiika.

Yosua 9:10

De nagali ma ade-ade abe hokokia wodiai o Amori ma nyawa manga koano yahinootoika gea doka o Yorodani ma akere ma honongaka. Abe ma koano gea naga womatengo ai romanga o Sihono abe wahikoano ai nyawa o Hesebono ma kotaka. De womatengoli ai romanga o Ogo abe wahikoano o Basana ma tonakoka de ai kota o Asitaroto.

Yosua 9:12

De abeika, ma oraha ngomi mia tonakoka ko misobouahi de mia roti naa ka ihaukohi, masara naa duru itogowinoka de utuoli hiadono yogalula.

Yosua 9:8

De o Hewi ma nyawa gea yopaluhu ato, “Ngomi naa ka idadi mimahibaluhu dika nginika.” De ahao o Yosua watemo de ai demo ma buturungu onangika wato, “Masara ngini naa tanu o kia ma nyawa, de o kiaka de niaino niboa?”