Yosua 8:27 - Ma Jou ai Demo-demo o Totobelohoka

²⁷ De gea o Ai ma nyawa manga kiahonanga ihali-hali de manga aewani dika abe ko ibinaahaua. Abe gea o Isiraele ma nyawa yomahitoona dika la idadi manga hilaku ma utumu, de gea imakiniiki de Ma Jou ai huhuloko ma demo o Yosuaika ma dihiraino.

Yosua 8:27 ပူးပေါင်းရင်းမြစ်များ

Matiusu 20:15

De naa tonileha, sarakia, ko idadiua to ngohi ma hirete ahi tiwi de ngohi tomaputuhu de tohiaturu abe hokokia ahi hininga adaene? De sarakia, gea itiai abe ani daleana ipuda ani hiningaka mangale ma titi ngohi tosanangi tohifoloi tahidoaka o nyawa utuika? Marai gea ani hininga ko itiaiua, e?’”

Higalioli 3:7

Masara nako to ona manga aewani ma duduono de manga kiahonanga manga kota-kotaka de manga kapo-kapongoka, gea mata-mata ka idadi homahitongone la idadi to ngoneoli nanga kiahonanga de nanga aewani.”

Yosua 11:4

De ma kokoano gea yamake ai behehongo ma hurata ipaha de ona mata-mata yahokino manga tentara. De ahao ona yosobo manga ngi homoi-homoioka de yotagi-tagi la mata-mata yomakokitoomuino. De yomatoomuino o ngi moioka de o tentara ma nyawa gea duru ko manga ngoe! De nagali manga kuda de manga goroba parangi duru kohangoe. Ho nako halega-lega onangika de duru ko idadiokaua hamake ma tonaka manga lou ma timiuku angamoi ma tonaka yakokilufungoka. De ona manga ngoe yomaketero hoka o dowongi ma mui ma ngoe o gahi ma ngigorino.

Yosua 8:2

Ngini kiani nidiai onangika de manga koanoika duru imaketero hoka nidiai o Yeriko ma nyawaika de to ona manga koanoika. Masara nako o Ai ma nyawa manga kiahonanga de manga aewani gea mata-mata tinihigunoa nimale la nimahitingini. De hokonaa ma ngekomo la niaparangi onangika. Manga kota ma poretoka de nia tentara ma regu moi kiani niahagogono.”

Yosua 8:28

De ahao o Yosua de ai nyawa yatufuku o Ai ma kota la duru irusakoka. De gea igoungu abe ma kota gea idadi hoka ma wale ma dounu dika, de ka hiadono ma oraha naa naga ko moiokaua yogogere genangoka.