Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yosua 7:24 - Ma Jou ai Demo-demo o Totobelohoka

24 De ahao to Sera ai kuwewete o Akana gea, o Yosua de o Isiraele ma nyawa yao ona o tau moi ka ma moi. Abe una de ma haaka, de o Babelino ma baju, de ma gurasi ma hapa ma baka-baka o dobiki moi, de to Akana ai ngofa-ngofaka ngaro o nauru ngaro o ngofeka, de ai hapi, de ai keledai, de ai domba, de ai tau o ngoerino, de ai kiahonanga utu mata-mataika yakokiaoka. Ho una de ai ngofa-ngofaka de ai tau, de ai kiahonanga ka ma moi yakokiao manga doomu ma ngi ma hoanika hiadono o dola moiika abe ahao ihiromanga o Kangela ma Dola.

အခန်းကိုကြည့်ပါ။ ကော်ပီ




Yosua 7:24
18 ပူးပေါင်းရင်းမြစ်များ  

Abe done sarakia itiai Ngona Ma Jou nahidobinaaha o totiai ma nyawa de o dorou ma nyawa ka ma moi? Ngona gea ko idadiua! Abe nako hokogea nodiai gea hoka o totiai ma nyawa de o dorou ma nyawa nahidotelega de nato yomaketero dika. Ho gea Ngona ko idadiua! Ngona Ma Jou abe o dunia ma nyawa napareta de nahohowono itiai ho duru igoungu ma totiai dika Ngona naniiki.” Hokogea o Abarahaama wotemo-temo Ma Jouika.


Abe ngini ka ihikaika moioo de ko idadiua nimahuba eko nimaponuku o popangaoika angamoi Ngohi naa Ma Jou o Yawe ti ngini nia Jou. De Ngohi todohata o pangaoika ho gea ngini tinigoana done genangino naga inihikatingaka Ngohino. De ma titi o nyawa ihidohata Ngohino hiadono hokogea yodiai de ona gea ahao tahohowono ka hiadono manga totoforauku yolape hangeuku de yolape iatuku.


De naga moioli ma dorou abe ngohi tamake naa o duniaka. Abe nako o nyawa manga hininga la o kaya itou-touniye onangoka, gea ma bahauku de manga huha enangoo itou-touniye.


Masara ngaro o kia dika naga o kota ma goronaka gea ma, ko idadiua ngini nimagoraka angamoi mata-mata gea ka ma moi ngone hidingakoka Ma Jouika. Ho nako naga o Yeriko ma nyawa manga kiahonanga abe ngini nimagoraka de nimagao hiadono nanga doomu ma ngiika de gea nginioo inihibinaaha. De gea ngone o Isiraele ma nyawa mata-mataika ninahikangela nako naga nginioka abe nimale manga kiahonanga.


De angamoi o kota gea iwidingakoka Ma Jou o Yaweika ho o Isiraele manga tentara yapake manga dia la yahibinaaha mata-mata abe de ma womahoka. Hokogea yahihuba o kota ma dola Ma Jouika. Ho o Yeriko ma nyawa, ngaro o nauru, ngaro o ngofeka de ngaro manga gogilau eko yaperekioka ma, kiani o Isiraele ma nyawa yahihuba o Yeriko ma nyawa ka ma moi de to ona manga hapi, manga domba, de manga keledai.


Masara o Isiraele ma nyawa gea Ma Jou o Yawe ai behehongo onangika yao ko itiaiua abe o Yeriko ma nyawa manga kiahonanga mata-mata ona kiani iwidingakoka Unangika. Ma Jou wato ena gea kiani yahihuba Unangika de o bobinaaha, masara naga womatengo ai romanga o Akana, una ko wohingounua Ma Jou ai behehongika. Abe ngaro ma kiahonanga gea kiani ona iwidingaka Ma Jouika masara naga utu o Akana gea womagorakoka. O Akana gea o Isiraele ma nyawa abe womahidutu o Yehuda ma dutuika de ai baba o Karami. De o Karami ai babali o Sabadi, de o Sabadi to una ai babali o Sera ho o Akana wokuwewete o Seraika. De ona gea mata-mata o Yehuda ai toforauku yadaene abe una o Isiraele ma nyawa manga dutu moi abe ona o dutu yangimoi de yahinootoino. De naa o Akana womagoraka o Yeriko ma kiahonangino abe kiani idadi manga huhuba Ma Jouika ho Ma Jou ai ngamo duru itagi ihauku o Isiraele ma nyawaika ma titi gea o Akana wodiaioka. Masara o Isiraele ma nyawa utu ko ihiorikuahi ma titi to Akana ai howono gea. De gea o Yeriko ma nyawa yahikalaka ho ona ato naa ka idadi yogila-gila o Kanani ma nyawa yahikala mata-mataika.


Ho yagoraka ma kiahonanga gea ai tauino de yao o Yosuaika la una de o Isiraele ma nyawa mata-mata ka idadi ena gea yamake ma oraha yakelenga ato Ma Jou o Yawe ai himangoka.


De o Akana iwihipohuku de o hakaru ho hiadono itouniye angamoi o hakaru kohangoe. De manga lungunu ma hakaru gea nagahi genangoka ka hiadono o wange naa abe totulihuku manga ade-ade. Hokogea o Akana iwipohuku ibooto de ngaro Ma Jou ai ngamo duru ihauku, ma ka de hokogea iwihingounu ibooto de ai ngamo woporetoka. Hokogea idadi hiadono o wange naa ma ngi gea ihiromangohi o Kangela ma Dola abe nako to ona manga demo, o Akoro ma Dola.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ