Yosua 6:9 - Ma Jou ai Demo-demo o Totobelohoka

⁹ De naga manga gogoana o tentaraino, abe naga de manga parangi ma daeoka, ona utu o hohidemo abe yawuwu manga guguli manga himangoka de naga utu yagoana o hohidemo manga poretino abe yamoku Ma Jou o Yawe ai Behehongo ma Peti la ka ihikaika yagoana manga dodagioka. Hokogea o tentara ma nau-nauru manga hohidemo yahidogorona de o hohidemo yatumidi gea ka ihikaika manga guguli yawuwu.

Yosua 6:9 ပူးပေါင်းရင်းမြစ်များ

Gegetongo 10:25

De abe ma bahaika yosobo yahidoduruika o Benyamini ma nyawa gea o Isiraele ma nyawa manga dutu hangeino. De o dutu ma doomu abe ona yohira o doomu hangeino, gea o Daana ma nyawa. De to ona manga hihira ai romanga o Ahiesere abe o Amisadai ai ngofaka ho una manga himangoka de unangoo wohidoakiye o dodunguu hoka o bendera de ma liateoka abe to Daana ma nyawa manga dodunguu.

Yosua 6:10

De o Yosua wahitiari manga nyawa mata-mataika wato, “Ma oraha ngone hotagi de moioo de ko idadiua hotemo. Ho kiani ngone hokokimouokahi abe, ngaro o demo moioo ma, ko idadiua ngini nitemo. Hokogea ka hiadono ma wange ma tumidi de manga kota haloliti ma tumidi de ahao naga ma oraha ngohi tinihingahuoka tato, ‘Nimahagaaga!’ Ho genangoka de ahao duru nanga ilingi ma amokiye ngone mata-mata homahagaaga! Masara ma oraha nanga dodagi ma goronaka kiani ngone mata-mata homatongohono dika.” Hokogea o Yosua wahibehehongo onangika.

Yosua 6:13

De yosoboli ho manga hohidemo yatumidi ona de manga guguli o domba ma nauru ma tatadukino yawuwu yahihira-hira ona abe yamoku Ma Jou o Yawe ai Behehongo ma Peti. De naga o hohidemo manga himangoka de manga poretoka manga gogoana o tentaraino. De ona homoi-homoi de manga parangi ma daeoka yagoana manga dodagioka. De ka ihikaika o hohidemo yatumidi abe de manga gugulioka yawuwu manga guguli.

Yosua 6:8

Ka de hokogea o Yosua wahingahu de manga hohidemo yatumidi onangoo yosoboka manga tentara yahidoduruino de Ma Jou o Yawe naga onangoka ho imaketero hoka ai himangoka yotagi de manga guguli o domba ma nauru ma tatadukino yomulaengoka yawuwu. De ahao manga dodiawo o hohidemo gea abe yamoku Ma Jou o Yawe ai Behehongo ma Peti onangoo yosobo yahidoduruino.