Yosua 6:24 - Ma Jou ai Demo-demo o Totobelohoka

²⁴ De ahao o Isiraele ma nyawa o Yeriko ma kota ihidutufuku ka ma moi de o nyawa manga honenge, de manga aewani ma honenge, de manga kiahonanga yahidutufukoka. Masara manga gurasi, de manga haaka, de manga tabaaga, de manga behi ihihupuokahi de ahao ihidutufuku. Angamoi kiani ma hali-hali gea ena ihingohama Ma Jou o Yawe ai gogogono ma ngiika.

Yosua 6:24 ပူးပေါင်းရင်းမြစ်များ

2 Samuele 10:5

Masara mangale ma titi manga himaleke ma amoko yamao ho ma oraha yolio de ko yogila-gilauahi o Yerusaleemika. De ipahaino naga abe iwihingahu o Dautika hokokia idadi ai nyawaika gea ho wohidingoto ai demo onangika abe wato, “Ngarouahi ngini niboa o Yerusaleemino naa. Ka idadi nimagoo-gogerohi o Yeriko ma kotaka la nia gumi niohiaini hiadono ilio imaketero hoka ma dihiraino, de gea ahao ngini nigila-gila nilio naangino.”

2 Kokoano 25:9

De o Nebusaradana wowohama o Yerusaleeme ma kota ma goronaika de ahao Ma Jou o Yawe ai Tau watufuku, de o koano ma tau abe duru irahai de abe yatingakoka la manga kokoano dika yogogere genangoka ma enangoo gea, ka watufuku. De o tau ma rorahai mata-mata o Yerusaleeme ma kotaka abe ma dihiraino o Yerusaleeme ma nyawa abe yokokurutiye yogogere genangoka, ma enangoo o Nebusaradana wohikokihibinaahaka de o uku.

Yosua 11:11

Ho yataoko ipaha de ahao yahohonenge to ena ma nyawa mata-mataika hiadono duru ko yaiwaka, de ma kota gea yatufuku.

Yosua 6:19

Bowahu dika manga kiahonanga abe yodiai o gurasino, de o haakaino, de o tabaagaino, de o behino, gea enangoo mata-mata hidingakika Ma Jou o Yaweika. Ho gea ena dika hagoraka de ahao hohingohama to Ma Jou ai gogogono ma ngi ma goronaika la ma hali-hali gea hihitouna.” Hokogea o Yosua wadotoko o Isiraele ma nyawaika abe kiani yodiai ma oraha ona o Yeriko ma kotaka Ma Jou o Yawe wahikala.

Yosua 6:25

Masara o ngo Rahaba dika abe ami badanga momatobafukunu de ona ami tauoka, de ami gogianongoru utu abe duru ami dutu adaene, ona mata-mata gea ka yowangohi angamoi muna maduhunu o nauru yahinooto gea abe o Yosua wahidingoto o Yeriko ma kotaika la yatailako to ona manga buturungu. Ho muna de ami gogianongoru yogogere o Isiraele ma nyawa manga goronaka ka hiadono o wange naa abe to muna ami ade-ade naa ihitulihuku.

Yosua 8:28

De ahao o Yosua de ai nyawa yatufuku o Ai ma kota la duru irusakoka. De gea igoungu abe ma kota gea idadi hoka ma wale ma dounu dika, de ka hiadono ma oraha naa naga ko moiokaua yogogere genangoka.

Himatoko 17:16

Ho ahao naga ma oraha adono abe ma aewani ma doka-dokara de to ena ma tataduku ngimoi, abe genangino ma titi o koano yangimoi, ona mata-mata ahao duru imidohata munangika abe biaha momatobafukunu ami badanga. De ona ahao ami kiahonanga mata-mata yomahitoona hiadono to muna duru ko iwaka, de ngaro ami baju ma enangoo gea yahuputoka la muna ka ami bululunokahi. De gea ahao to muna ami roehe yaolomo de nako ami hou, gea yatufuku la imiuku hiadono duru motinoka.

Himatoko 18:8

Ho mangale hokogea yomahigiriiri, ho ahao manga oraha adonoka de manga kokangela yadaenoka onanguku. Abe ahao o wange moiuku de ka ma moiuku yadaene o panyake abe imahora-hora de o hafinoo hiadono o honenge ma amoko, ho ko manga ngoe ma oraha gea ka yoari-ari dika. De ahao o Babele ma kota gea youkuoka ho ko iwaka angamoi duru itinoka, angamoi gea Ngohi nia Baluhu idodutu Ma Jou abe tahohowono onangika, de Ngohi duru ahi buturungu ma amoko.” Hokogea itemo ma ilingi gea abe o Horogaka de aino toihene.