Yosua 6:21 - Ma Jou ai Demo-demo o Totobelohoka

²¹ De angamoi o kota gea iwidingakoka Ma Jou o Yaweika ho o Isiraele manga tentara yapake manga dia la yahibinaaha mata-mata abe de ma womahoka. Hokogea yahihuba o kota ma dola Ma Jouika. Ho o Yeriko ma nyawa, ngaro o nauru, ngaro o ngofeka de ngaro manga gogilau eko yaperekioka ma, kiani o Isiraele ma nyawa yahihuba o Yeriko ma nyawa ka ma moi de to ona manga hapi, manga domba, de manga keledai.

Yosua 6:21 ပူးပေါင်းရင်းမြစ်များ

1 Kokoano 20:42

De Ma Jou ai uru ma dodofanga gea wihingahu o Ahabika, wato, “Hokonaa Ma Jou o Yawe ai demo ngonaika, ‘Ahi hiketero ma ade-ade kanganoika ma titi gea abe ngona ahao inidaene. Ngona o koano ko nohihingounua ahi demoika abe o nauru gea, abe kanganoika nimakoketemo, una gea ka nihigunoa la ka wowangohi. De hokogea ngona ani hininga nodiai ngaro Ngohi tato kiani nihibinaaha, ho mangale ma titi ngona ko nohihigihenua hokogea ho nihiluasoka dika ho ngona ma hirete nituruuru la ngona nohonenge. De to ngona ani kokawaaha ahao ona yohonenge de to una ai kokawaaha ko yohonengua.’” Hokogea Ma Jou ai hohowono ma demo o Ahabika.

Higalioli 2:34

De to ona manga kapo-kapongo de manga kota-kota mata-mata hahikala de homahitongone. De abe manga nyawa gea ona mata-mata hahohowono de o hone-honenge angamoi hokogea Ma Jou ai hohowono onangika. Ho ngaro manga ngo-ngofeka de manga ngofa-ngofaka masara ona mata-mata hahohonenge la duru ko yaiwaka ma nyawa gea.

Yosua 10:28

De ma wange gea o Yosua de ai tentara ona duru yahikala o Makeda ma kapongo ma nyawaika. Abe ona yahohonenge manga koano de manga kokawaaha mata-mataika, ho moioo de ko iwaka manga nyawa. De o Yosua wodiai manga koanoika abe imaketero dika hoka ma dihiraino wodiaioka o Yeriko ma nyawa manga koanoika.

Yosua 10:39

De genangokaoo yahikala ma kapongo gea de manga koano de ma kapo-kapongo utu abe naga ma digi-digino. De yahikala ipahaino de duru yahibinaaha ona mata-mataika hiadono ko iwaka ma nyawa genangoka. Abe ma hibinaaha imaketero hoka ma dihiraino idadi o Heborono de o Libana ma kapo-kapongoka.

Yosua 11:11

Ho yataoko ipaha de ahao yahohonenge to ena ma nyawa mata-mataika hiadono duru ko yaiwaka, de ma kota gea yatufuku.

Yosua 11:14

De nako ma kota-kota gea ma kiahonanga de ma aewani ma duduono, gea mata-mata o Isiraele ma nyawa yomahitoona. Masara abe ma titi ma nyawa gea duru yamataka.

Yosua 8:2

Ngini kiani nidiai onangika de manga koanoika duru imaketero hoka nidiai o Yeriko ma nyawaika de to ona manga koanoika. Masara nako o Ai ma nyawa manga kiahonanga de manga aewani gea mata-mata tinihigunoa nimale la nimahitingini. De hokonaa ma ngekomo la niaparangi onangika. Manga kota ma poretoka de nia tentara ma regu moi kiani niahagogono.”

Yosua 9:3

Masara nako o Hewi ma nyawa abe yogogere o Gibeono ma kotaka, ona manga hidee imakohowono. Abe ona ma oraha yoihene ma titi o Yosua de ai nyawa yahikalaka o Yeriko de o Ai ma nyawaika

Himatoko 18:21

De ahao o malaekata womatengo abe duru woputurungu una o hakaru moi duru kohaamoko wagoraka de waumoka o gahiuku. De gea wotemo wato, “Abe imaketero hoka ma hakaru taumoka o gahiuku de ko hamakeokaua, hokogenangoo ahao o Babele ma kota duru Ma Jou wohibinaahaka la ko amakeokauali ka hiado-adonika ma kota ma amo-amoko gea.

1 Samuele 15:3

Ho ngona kiani noiki naparangi o Amaleke ma nyawaika ka hiadono ona nakokitomaka de hiadono manga aewani de manga kiahonanga enangoo nahibinaaha mata-mataika. Moioo de ko iwa ngaro o nyawa de ngaro manga kiahonangino abe ka idadi nanoaika, ma kiani mata-mata nahibinaaha ngaro o nau-nauru eko o ngo-ngofeka, de ngaro manga gogilauohi de ngaro yaperekioka. Abe kiani ahi hohowono yadaene ona mata-mataika ho to ona manga hapi, de manga domba, de manga unta, de manga keledai, enangoo nahikokibinaahaka.’”

1 Samuele 15:8

De o Amaleke ma nyawa manga koano o Agaga iwitaoko dika de iwiao masara ai kokawaaha yakokitoma ka hiadono duru yahikokibinaahaka mata-mata.