Yosua 4:2 - Ma Jou ai Demo-demo o Totobelohoka

² “Yosua, naa adonoka ma oraha o nau-nauru yangimoi de yahinooto abe niairikoka gea ona nahokino abe o Isiraele ma nyawa manga dutu ma doomu homoi-homoiika naga womatengo abe ona gea niairikoka.

Yosua 4:2 ပူးပေါင်းရင်းမြစ်များ

1 Kokoano 18:31

Ho o Elia waleino o hakaru ngimoi de hinooto la wohitunguu de o Isiraele ma nyawa manga dutu yangimoi de yahinooto abe yomaboa o Yakubino. O Yakubu una gea abe ma dihira Ma Jou witemoka wato, “Ani romanga taturuuruoka ho naa tonihiromangoli o Isiraele.”

Gegetongo 13:2

“O Kanani ma tonaka gea tinihidoakoka ngini o Isiraele ma nyawaika ma, niahidingoto dika genangika o nau-nauru abe ka idadi yatailako ma tonaka gea. Ona abe ahao niahidingoto kiani o Isiraele ma nyawa yairiki la ona o nauru yangimoi de yahinooto abe yomahidutu manga totoforaika homoi-homoiika la gea ona inihidimono ngini mata-mataika. De nia doomu ngimoi de hinooto homoi-homoiika kiani yairiki o nau-nauru dika abe ma dihiraino de yodadiokau manga gogianongoru manga hidimono.” Hokogea Ma Jou o Yawe wihibehehongoka o Musaika.

Gegetongo 34:18

De gea kiani naga nia dutu homoi-homoi manga hihira yomatengo la ona gea yaduhunu o Eleasara de o Yosua ma oraha ma tonaka inihikodoku nginika.

Higalioli 1:23

“De gea ngohi tomodeke de ti ngini nia hidee gea, ho ngohi tahidingoto nia nauru yangimoi de yahinooto nginioka. Abe nia dutu amomoiino o nyawa moi tahidingoto o tonakika gea.

Yosua 3:12

De naa o hiaturu moioli abe ngini o Isiraele ma nyawa o dutu ngimoi de hinooto, kiani nianiiki. Ngini o dutu ma doomu homoi-homoiika niwiiriki womatengo nia nyawaino de ahao naga ma oraha tinihingahu abe hokokia una ahao kiani wodiai.

Yosua 4:3

De naa nahuloko ona o nauru yangimoi de yahinootoika la yatoomu o hohidemoika, ona dokena ka ma akerokahi yomaokoino. De genangoka kiani o nauru yangimoi de yahinooto homoi-homoi yomagoraka o Yorodani ma akere ma hakaru moi ma amoko. De homoi-homoi manga hakaru yomagoraka gea yao ihibarene ma dudungiye doka ma honongaika de yakelenga nia ngioka abe ngini o futu naa nimaidu genangoka.” Hokogea Ma Jou wihitararono o Yosuaika.