Yosua 24:4 - Ma Jou ai Demo-demo o Totobelohoka

⁴ Abe tihidoaka o Isakika ai ngofaka yahinooto o Yakubu de o Esau. De tihidoaka o Esauika o tonaka o loku-lokuoka abe ihiromanga o Seiri ma tonaka. Masara o Yakubu de to una ai ngofaka mata-mata yokokiloiki daku o Mesiiri ma tonakika.’”

Yosua 24:4 ပူးပေါင်းရင်းမြစ်များ

Dodadi 32:3

De o Yakubu wairiki la ai nyawa yamuruono naga abe ka idadi ai demo yototaka ai riakika o Esauika. Una wogogere o Seiri ma tonaka ma honongaka abe ihiromanga o Edomo. Ho genangika wahidingoto la ai riaka iwitutumu.

Dodadi 36:8

Ho o Esau gea, abe ai romanga hinooto ho ai romanga moioli o Edomo, una womaturuuru o Seiri ma tonakika abe imakadateke de o Kanani ma tonaka. Genangoka una de ai nyawa mata-mata yogogere o Seiri ma loku-lokuoka.

Dodadi 36:9

Ho o Esau ai totoforauku yahiromanga o Edomo ma nyawa de hokonaa to una ai totoforauku yolape-lapeuku o Seiri ma loku-lokuoka. De hokonaa manga roma-romanga.

Higiriiri 105:23

De ahao adonoka ma oraha o Yusupu ai baba o Isiraele de ona ai tauoka yokokiboa, To una ai romanga hinooto abe ma dihira iwihiromanga o Yakubu, De naa unangoo wogogere hoka o homoaino ma nyawa o Haama ai tonakoka. Abe ma dihira o Nuhi ai ngofaka o Haama ai gogere o Mesiiri ma tonakoka.

Higiriiri 127:3

De nako o nyawa yomamake manga ngofaka o nauru, gea o hiowa moi Ma Jou o Yaweoka de aino, de ma utumu ma amoko ahao yamake onangino.

Hidingoto 7:15

De gea o Yakubu ona mata-mata yokokiboa o Mesiiri ma tonakino. De ino ino de o Yakubu de ai ngofa-ngofaka ona mata-mata yoborihonenge o Mesiiroka.

Higalioli 2:5

Ho ufa ngini niaruwae ona gea, angamoi Ngohi tahidoakoka manga tonaka gea o Edomo ma loku-lokuoka la idadi manga oara ma tonaka. De manga tonaka gea, ngaro ma hohutuloo masara ko tinihidoaka nginika.