Yosua 24:33 - Ma Jou ai Demo-demo o Totobelohoka

³³ De manga hidemo Ma Jouika o Eleasara abe wituruuru ai baba o Harunu ho unangoli wodadi o Isiraele ma nyawa manga hidemo wokokurutiye de naa, unangoo ma, wohonengoka. De o Eleasara gea iwilungunu o Gibea ma tonaka daku ma loku-lokuoka abe enangoo idadi o Efaraimi ma nyawa manga hidoku o Kanani ma tonakino. De o Eleasara ai ngofaka o Pinehasa wamake ai tonaka genangoka ho ai baba o Eleasara iwilungunu ma tonakoka gea.

Yosua 24:33 ပူးပေါင်းရင်းမြစ်များ

2 Kokoano 5:22

De o Gehasi wipaluhu wato, “Koua. Masara ahi baluhu wohihidingotino la tonihingahu abe naga o goduuru yahinooto ahao kangano yomahiadono o Efaraimi ma loku-lokuoka de yaino. De ona yahinooto gea marai Ma Jou ai uru ma dodofanga. Ho ahi baluhu womagahoko ngonaika la nako ka idadi ngona naduhunu ona yahinootoika. Angamoi ahi baluhu o Elisa ai hininga la wahidoaka onangika manga baju ma doduruuru de o haaka o kilo moruange de motoa. Hokogea ahi baluhu ai gogahoko ma demo ngonaika.”

Huhupu 6:23

De o Amrama ai ngofaka o Harunu woilaka de o ngo Eliseba, muna gea o Aminadaba ngoi ora de ami iranga o Nahasono. De to ona manga ngofa-ngofaka manga romanga o Nadaba, o Abihu, o Eleasara de o Itamara.

Huhupu 6:25

De o Harunu ai ngofaka womatengo ai romanga o Eleasara woilaka de o Putiele ngoi ora de naga manga ngofaka womatengo ai romanga o Pinehasa. Hokogea o Lewi ai totoforauku yomahiromanga de manga dutu manga romangika.

Hidingoto 13:36

Hokogea o Dautu wohitulihuku, masara itararono abe ai demo gea ko ihidumutua to una ma hirete ai honengika. Angamoi hohioriki abe nanga tofora o Dautu una wohonenge de ahao ai honenge gea ka ikorofu. Abe ma dodihiraino de una waleleani ai gogianongoruika ma oraha wahikoano ho hiadono una wamataka ai karajaanga Ma Jouoka de aino. De ahao una wopahaka de iwilungunoka, de iwilungunu ipahaino de ahao ai honenge ikorofu.

Ibarani 7:24

Masara nako o Yesusu, Una gea wotobawango ho ko iwa ai bobaha, ho Una ka wakunu wodadi nanga Hidemo Ma Jouika ka hiado-adonika, ho duru ko iwituruuruokaua ai gogeroka gea.

1 Samuele 1:1

O ade-ade naa imulaenge de o Isiraele ma nyawa womatengo ai romanga o Ekana. Una womahidutu o Efaraimi ma dutuika de wogogere o Rama ma kota abe naga o loku-lokuoka o Efaraimi ma tonakoka. De o Ekana ai baba o Jerohama, de ai ete o Elihu, de manga fam Tohu abe o Efaraimi ma nyawa o Sufu ma doomuino.

1 Samuele 9:4

De o Saulu ai baba wihigihene ho una de manga duduhunu womatengo yosobo de o Efaraimi ma tonaka ma loku-lokuika yokokiloliti yaika yaino masara manga keledai ko yamakeua. De ahao yogila-gilaka yolingirohi hiadono o Salisa ma tonaka de o Salimi ma tonaka yaika yaino yolingiri. De ahao yomahiadono o Benyamini ma nyawa manga tonakika de genangokaoo yolingiri mata-mataika masara ngaro hokogea ma, ko yamakeuahi manga keledai abe ihihangoka gea.