Yosua 24:29 - Ma Jou ai Demo-demo o Totobelohoka

²⁹ De o Yosua, abe to una ai baba o Nuunu, una ai wowango ma datoroka duru witobaleleani Ma Jou o Yaweika de ai ngumuru adonoka ai taongo o ratuhu moi de ngimoi de una wohonenge.

Yosua 24:29 ပူးပေါင်းရင်းမြစ်များ

Dodadi 50:22

Ho o Yusupu de ai gogianongoru ka ihikaika yowangohi genangoka abe manga gogere o Mesiiri ma tonakoka. De o Yusupu wowango hiadono ai ngumuru adonoka ai taongo o ratuhu moi de ngimoi ai dekana de ahao wohonenge.

Dodadi 50:26

De ma oraha gea o Yusupu wadonoka ai taongo o ratuhu moi de ngimoi. Ho gea o Yusupu wohonengoka de ai honenge ihidiai la ko wowederua de ahao iwikelenga o peti ma rorahaiuku la iwigogono genangoka ma dekanohi o Mesiiroka.

Higalioli 34:5

De ahao genangoka o Moaba ma tonakoka o Musa, Ma Jou o Yawe ai duduhunu, wohonenge. Una ma dekanoka winiiki Ma Jou o Yaweika de naa ai leleani ibooto ho wohonenge imaketero hoka ma dihirainohi Ma Jou o Yawe wihingahuoka.

Yosua 24:28

Hokogea o Yosua ai higaro ma demo wabootoka ho wahingahu onangika wato manga doomu ibooto ho ka idadi yokokilio manga tau homoi-homoiika abe naga to ona manga oara ma tona-tonakoka. Itigioka o Yosua wohonenge de o Isiraele ma nyawa manga hihira o Yosua watoomuino de wahigaro hiadono ona iwihibehehongoli Ma Jouika abe ka Una dika iwiniiki.

Yosua 24:30

De o Yosua iwilungunu to una ai oara ma tonakoka abe naga o Timata-Sera ma loku-lokuoka abe o Isiraele ma nyawa yomahidutu o Efaraimika. De o Yosua ai tonaka gea to ona manga hidokuino ma tonaka gea abe dau o Gaasa ma loku imakadateke.

Himatoko 14:13

De ahao o ilingi moioli toihene o Horogaka de aino itemo ngohino ato, “Ngona kiani ahi demo naa nohitulihuku, notulihi nato, ‘Ma oraha naa de imahikaika de onagona dika abe yohonenge ma titi iwinii-niiki nanga Baluhu idodutuika, ona gea duru youtumu.’” De ahao Ma Jou o Womaha wapaluhu wato, “Gea duru igoungu, abe ona gea ahao o Horogaka de ka idadi yomahiaini manga kangela de manga karajaanga ma dubuhoino, angamoi ma titi manga karajaanga ma hasilino ho ahao genangoka de yamake manga sosanangi ma utumu.” Hokogea ma ilingi ma demo abe ngohi toihene.

Hihira 2:8

De igoungu, o Nuunu ai ngofaka o Yosua gea una ai wowangoka duru witobaleleani Ma Jou o Yaweika ka hiadono ai ngumuru adonoka ai taongo o ratuhu moi de ngimoi de ahao una wohonenge.

Hihira 2:9

De ai honenge iwilungunu to una ai oara ma tonakoka abe o Isiraele ma nyawa yomahidutu o Efaraimika to ona manga hidokuino ma tonaka. De o Yosua ai lungunu naga o Timata-Sera ma loku-lokuoka abe gea dau ma honongauku abe o Gaasa ma lokuoka.