Yosua 24:27 - Ma Jou ai Demo-demo o Totobelohoka

²⁷ Gea mata-mata o Yosua wobootoka de ahao watemo ona mata-mataika wato, “O hakaru ma amoko naa Ma Jou o Yawe ai demo mata-mata abe womihingahu o wange naa enangoo iihenoka. Ho ma hakaru naa ahao duru inihitaana nia howono abe nako idadioka ngini ko nianiikokaua ti ngini nia behehongo ma demo Ma Jouika.”

Yosua 24:27 ပူးပေါင်းရင်းမြစ်များ

Habaku 2:11

Ho mangale ma titi nia datoro gea hiadono imaketero hoka ti ngini nia tau ma kiahonanga inibobeto nginika. Abe ngaro to ena ma dadaduhu de ma dudukuru masara gea ipoa-poaka ma titi nia datoro ma dorou!’”

Gegetongo 11:20

Ngini ahao kiani niaolomo o roehe o mede moi ma dekanino ka hiadono ma roehe gea nialahiroo ma ko idadiokaua de ka de nialahiri de initaamika de nihingunanga. Hokogea nia inomo o roehe tinihidoaka angamoi Ngohi naa Ma Jou o Yawe abe nihioluku. Ngohi naa abe tinihihupu o Mesiiri ma tonakino de togogere duru ti ngini nia hidogoronaka masara ngini ka nikurubungohi niato, “Ngomi mimatoduba o Mesiiri ma tonaka mianoaka. Ka de ngini nitemo hokogea de duru imaketero hoka nihioluku Ngohino!”’ Hokogea Musa kiani nahingahu onangika.”

Matiusu 10:33

Masara abe onagona dika o duniaka naa de ona yotemo ato ko ihihiorikua de ko iwa manga gogao Ngohino, de ona gea ahao ma oraha gea ahi Baba ai himangoka o Horogaka de Ngohioo totemo tato ko tahiorikua ho ko iwa manga gogao Ngohino.”

Lukasa 19:40

De o Yesusu wapaluhu wato, “Naa moi tinihingahu de kiani nitotoihene ahi demoika naa. Abe nako hoka ona naa yomarii-riidoka dika de ko ihihigiriiriua Ngohino, ahao o hakaru abe ma tonakoka naa enangoli imapoa-poaka la ihihigiriiri!”

Higalioli 30:19

“Kangano tinihingahuoka abe naga nia ngiiriki hinooto, de naa marai ngohi duru tinihigaro la nimahidodiai nimangiiriki. Angamoi marai o dunia naa de ma dihangoo idadi hoka o hakihii ma nyawa angamoi ena mata-mata yoihene ahi demo nginika. Abe ngini nimangiiriki o wowango eko o hone-honenge. De gea nimangiiriki o hiowa eko o hohowono. Hokogea ti ngini nia ngiiriki, ho ngohi duru tinihigaro nginika la o wowango dika nimangiiriki la nia wowango ahao duru de ma sosanangioka!

Higalioli 31:19

De Ma Jou ka wotemohi ona yahinootoika wato, “Naa tinihidoaka o nyanyianga moi, ho kiani ngini nihitulihuku to ena ma demo de niadotoko o Isiraele ma nyawaika. Ona kiani yomadotoko gea hiadono duru yahioriki ma dola, la to ena ma demo gea idadi hoka o hakihii ma nyawa onangika.

Higalioli 31:21

De ahao abe ma oraha ona yalufungu de manga kokangela de manga huha ma ngoe, ma nyanyianga naa ma demo ka idadi yahitaana onangika ma titi manga howono, angamoi manga totoforauku ko yawohangua o nyanyianga ma demo naa ena. De duru igoungu abe o wange naa dika de Ngohi ka idadi tohioriki to ona gea manga hininga ma dodagi ho tinihingahuoka o nyanyianga ma demo ma goronaka. Abe ngaro ma oraha naa ko tahingohamuahi ma tonakika gea abe tahibehehongoka onangika masara tahiorikokau to ona manga hininga.” Hokogea Ma Jou ai demo ona yahinootoika.

Higalioli 31:26

De hokonaa ai huhuloko ma demo wato, “Ma Pareta ma buku ma lulu naa ngini niale de niloiki Ma Jou o Yawe ai Petika. De nimahiadonika de kiani ngini nikelenga ai Peti ma datekoka la genangoka dika imanoa de idadi hoka o hakihii ma demo abe ahao inihitaana nia howo-howono nginika.

Higalioli 32:1

De hokonaa ma nyanyianga ma demo abe o Musa wobasa onangika, itemo ato, “Abeika nitotoihene ahi demoino, ngaro ngini mata-mata o Horogaka nigogere, de ngaro nginioli o duniaka mata-mataika.

Higalioli 4:26

Ho nako ahao nia datoro ma dorou hokogea Unangika, o wange naa dika de ngohi tinihitiari abe naga niamake nia hohowono ma amoko. De ahi hitiari ma demo nginika, marai o dunia naa de ma dihangoo idadi hoka o hakihii ma nyawa angamoi ena mata-mata yoihene ahi hitiari ma demo nginika. Abe nako ahao ngini nimahuba o kiaika dika abe to ena ma rupa nimadiai, ahao nia hohowono hokonaa. Gea kiani Ma Jou womataiti winikiniiki de winihihupu nia tonakino gea la niloiki ma homoaika. Ho gea ko initedekanokaua nimanoa genangoka angamoi Una ahao duru winihibinaaha.

Titusu 1:16

De igoungu ona gea yomahingahu ato iwihioriki Ma Jou, masara nako manga wowango ma datoroka, gea yahitaana abe ona gea ko iwihiorikua Unangika. De abe ona gea tanu itiai Ma Jou waemono onangika angamoi manga hingounu ko iwa Unangika. De nako ma karajaanga o kia dika abe Ma Jou wohiromanga enangika gea wato ma karajaanga ma rahai, ma, ona gea duru ko yakunua yodiai irahai. Ho naa ngona o Titusu kiani nahibehehongo ani gogianongoruika genangoka la ibootohi ona yahigihene o nyawa abe manga hiningaka hokogea ka ma dorouika dika.

Yosua 24:28

Hokogea o Yosua ai higaro ma demo wabootoka ho wahingahu onangika wato manga doomu ibooto ho ka idadi yokokilio manga tau homoi-homoiika abe naga to ona manga oara ma tona-tonakoka. Itigioka o Yosua wohonenge de o Isiraele ma nyawa manga hihira o Yosua watoomuino de wahigaro hiadono ona iwihibehehongoli Ma Jouika abe ka Una dika iwiniiki.

Himatoko 3:8

De ahao Una wahibehehongo onangika wato, “Ngohi tinihioriki ti ngini nia wowango ma datoro. Abe ngini nia doomuoka gea ko niwoeua ho ti ngini nia kuaha ko ilamokua o Filadelfia ma kotaka gea. De masara ngini niatobagou-goungu nianiiki ahi demo nginika de ko nioporetua to Ngohi ahi romangika. Ho naa abeika, Ngohi o ngorana moi nia himangoka tinibelenga, de gea o nyawa ko moiua la ka yakunu gea yatatoko.

1 Samuele 7:12

De ahao o Samuele wairiki o hakaru ma amoko moi de ena gea wohibelohuku la imaokoiye o kota hinooto ma hidogoronaka abe o Misapa ma kota de o Sene ma kota ma hidogoronaka la idadi o hohininga moi ma titi Ma Jou o Yawe ai duduhunu onangika. De o hohininga ma hakaru gea wohiromanga o Eben-Haesara abe ma titi wohitararono, wato, “Ma Jou o Yawe wonaduhunu ka hiadono ma oraha naa!”