De to ona manga hiningaka gea de duru yahowono. Angamoi igoungu Ma Jou Una duru wotobatotiai, ho ai hohowono o nyawaika duru itaana de manga hininga. Abe ngini o Yahudi ma nyawa, ngini ma hirete nihiorikoka abe Una kiani wahohowono o dunia ma nyawaika ma titi manga howo-howono Unangika. Masara barikua nihioriki gea de naa ngini niato bote Una ka idadi winihidogunoa dika de ko winihohowonua nginika abe ngaro nginioo niahowo-howono Unangika abe nimaketero hoka o dunia ma nyawali! Duru ko idadiua! Angamoi nako hoka Ma Jou ko winihohowonua ma titi ti ngini nia howo-howono, gea de ko wagoungokaua ai behehongo ma demoika, de ko wototiaiokaua! Ho tanu ngini nihioriki abe Una kiani wahohowono o nyawa mata-mataika abe yahowono Unangika, abe ngaro o dunia ma nyawa de ngaro nginioo o Yahudi ma nyawa! De genangino de itararono abe to Una ai hohowono nginika duru itaana de itiai.
Yosua 24:16 - Ma Jou ai Demo-demo o Totobelohoka16 Hokogea o Yosua waleha onangika de ona mata-mata ka ma moiiye yopaluhu, ato, “Ngomi naa duru mioluku Ma Jou o Yawe wiwinoaika la hiadono mimahuba-huba o jou ma homoaika! အခန်းကိုကြည့်ပါ။ |
Yosua 24:16
8 ပူးပေါင်းရင်းမြစ်များ
Koua! Duru ko idadiua hokogea hodiai! Angamoi Ma Jou ai hininga ma dumutu naga ngoneino la wato ngone howango hototiai dika. De hokonaa ma titi muruono naga hiadono ngone hingaku-ngakuoka duru ko idadiua haniikohi o howono nanga wowangoka. Abe ma titi ihira, ngone naa tanu homaketero hoka hohonengoka ma titi nanga howonika gea.
De nako ngini ko nioigoua niwileleani Ma Jou o Yawe de kiani duru o wange naa dika de ngini homoi-homoiika nimaputuhu abe onagonaika ahao nileleani. Ho, sarakia ngini? Niwileleani Ma Jou, eko nioleleani o jou ma homoaika abe imaketero hoka nanga totofora ma dihira yoleleani doka o Efaraata ma akere ma honongaka? Eko marai nioigo nioleleani o Amori ma nyawa manga jouika abe ma oraha naa ona gea niaturuuruoka ho nginioli nigogere manga tonakoka. Marai nioigo la to ona manga jou gea nioleleani eko sarakia? Masara nako ngohi de ona mata-mata ahi tauoka, ngomi mimaputuhoka wiwileleani ka Ma Jou o Yaweika dika! Ho ngini sarakia?”
Abeika, nanga gogianongoru ma dihira o Mesiiri ma nyawa yahidadi manga huhuloko dika de ahao Ma Jou o Yawe, to ngone nanga Jou, Una wahihupu manga kokangela ma karajaangino o Mesiiri ma tonakoka! Una wodiai o heheranga duru ma amoko hiadono ngoneoo de nanga lako ma hirete hamakeoka! De gea Una abe wonapaliara nanga dodagino abe o tonaka ma kakaahaino de wonaduhunu ma oraha ngone naga nanga musu manga hidogoronaka ka hiadono ngone ka howangohi o wange naa!