Yosua 23:8 - Ma Jou ai Demo-demo o Totobelohoka

⁸ Masara kiani niwileleani ti ngini nia Jou, Ma Jou o Yawe. Ngini ka ma dihirainohi de ka hiadono ma oraha naa nianiiki Ma Jou ai behehongo mata-mata abe ngone de Ma Jou homahiketehibehehongoka. De kiani ka ihikaika ngini mata-mata de nia hininga ma gahumu nianiiki ai behehongo gea.”

Yosua 23:8 ပူးပေါင်းရင်းမြစ်များ

Hidingoto 11:23

De o Baranabasa una womahiadonoka de wamake abe Ma Jou ai hidoaka ma owa ona ko o Yahudi ma nyawaua yamakeoka. De gea wamake abe hokokia Ma Jou womahitaana abe wokarajaangoka ona gea manga kokihiningaka, ho o Baranabasa una duru wogogaragoka. De una wahigaro ona abe ahao iwingaku-ngaku nanga Baluhika la ona ka ihikaika yatobaniiki nanga Baluhu o Yesusu dika ai mau onangika.

Higalioli 4:4

Masara ngini onagona dika abe nitobagou-goungu nimahuba-huba nanga Jou o Yaweika dika, gea ngini ko kia-kiaua idadi nginika de ngini nagahi ka hiadono ma oraha naa naga, moioo de ko iwa abe inihihanga!

Yosua 23:7

Ho kiani duru nimahidodiai la ufa nimaketedodiawo de ona abe ka yogogerohi o tonakoka naa. Ngaro to ona manga jou-jou ma roma-romanga, ma, ufa niafetongo. De utuohi nimagoana la ufa nimahuba enangika. De duru nimahidodiai la ufa nihikoboto de niapake o jou gea ma romanga nia koboto ma demo ma goronaka. De duru ko idadiua nioleleani enangika gea.

Yosua 23:9

De o Yosua wogila-gila watemo manga hohidimonika wato, “Abeika Ma Jou o Yawe ai duduhunu ngoneino! Ngaro o tonakoka naa o nyawa manga ngoe de manga doomu ma amoko abe yomaketemomoi manga popareta de manga hiaturu masara Ma Jou wonaduhunu. Abe ona de manga buturungu de manga kuaha duru ma amoko, masara ka to Unangohi ai buturungu de ai kuaha ilamoko ho wahihupuoka manga tonakino naa. Ho ngaro naga o nyawa de manga buturungu hokogea masara ko yaiwa abe ka idadi inahikala ngone o Isiraele ma nyawa ka hiadono o wange naa.