Yosua 23:7 - Ma Jou ai Demo-demo o Totobelohoka

⁷ Ho kiani duru nimahidodiai la ufa nimaketedodiawo de ona abe ka yogogerohi o tonakoka naa. Ngaro to ona manga jou-jou ma roma-romanga, ma, ufa niafetongo. De utuohi nimagoana la ufa nimahuba enangika. De duru nimahidodiai la ufa nihikoboto de niapake o jou gea ma romanga nia koboto ma demo ma goronaka. De duru ko idadiua nioleleani enangika gea.

Yosua 23:7 ပူးပေါင်းရင်းမြစ်များ

2 Kokoano 17:12

Igoungu, ona duru hokogea yomahuba-huba o popangaoika ka ihikaika ngaro Ma Jou o Yawe duru wahiree-reeika onangika de ai hitiari ma ngoe.

2 Kokoano 5:18

Masara ma oraha tolio ahi tonakika de ahao naga moi abe kiani ngohi totobadiai la tihingounu ahi koanoika. De gea abe kiani todiai duru tonganono ka idadi wohiapongo Ma Jou o Yawe. Abe ma oraha ahi koano wowohama o pangao o Rimono ma huhuba ma tauika de ngohioo kiani naga ai datekoka angamoi wohihuloko ngohino la titobaniiki. De ma oraha womahuba-huba o Rimonika de womaponuku o Rimono ma rupa ma himangoka de una womahidudukuku ahi giamuku hiadono ngohioo tomaponuku. Masara ahi hiningaka ko tomahubaua enangika.” Hokogea o Naamana womahingahu o Elisaika.

Huhupu 20:5

Abe ngini ka ihikaika moioo de ko idadiua nimahuba eko nimaponuku o popangaoika angamoi Ngohi naa Ma Jou o Yawe ti ngini nia Jou. De Ngohi todohata o pangaoika ho gea ngini tinigoana done genangino naga inihikatingaka Ngohino. De ma titi o nyawa ihidohata Ngohino hiadono hokogea yodiai de ona gea ahao tahohowono ka hiadono manga totoforauku yolape hangeuku de yolape iatuku.

Huhupu 23:13

“Ngini kiani nihidodiai nianiiki mata-mata naa abe tinihingahuoka. De ngini kiani nimahuba de nimaniata Ngohi Ma Jouino dika ho duru ko idadiua nimahuba eko nimaniata o popangaoika. De ngaro nifetongo o popangao ma roma-romangika ma ko idadiua.”

Huhupu 23:33

Ko idadiua o nyawa gea niahigunoa yogogerohi ti ngini nia tonakoka gea angamoi nako nimahisapurika onangoka de ika-ika ona inihirehene hiadono niahowono Ngohino. Abe to ona manga popangao ahao idadi o higaro moi nginika ka hiadono nginioo nimahuba manga popangaoika gea.” Hokogea Ma Jou ai demo o Isiraele ma nyawaika abe wihingahu o Musaika abe una kiani wadofanga o Isiraele ma nyawaika.

Sosawaro 4:14

Ho ngini homoi-homoiika ka ihikaika tinihitiari tato, “Ufa ngona ahi ngofaka nomaaduru hoka o dualono ma hininga eko naniiki ona abe yotobadiai duru itorou.

Gegetongo 33:55

De Ma Jou wohigila-gila ai demo o Musaika abe una ahao kiani wadofanga ai gogianongoruika wato, “De kiani nahitiarioo onangika nato, ‘Masara nako hoka ngini ko niakiniikua o Kanani ma nyawa gea abe ma oraha naa ona yomanoa ma tonakoka doka, to ona manga hou ahao duru inihikangela nginika hiadono niaetongo hoka o gota moi abe naga nia lako ma goronaka de hoka o hihika ma amoko abe initopoko nia gumurukoka. Abe ona gea duru ka ihikaika inihikokangela nia tonakoka gea abe ahao nimanoa genangoka.

1 Korintusu 15:33

Ho naa ngohi tinihitiari tato, “Ngini naa ufa hiadono inihirehene hokogea!” Angamoi naga o demo ma dulu moi inahitiari ato, “Nako hadodiawo onangika manga datoro itorou, ahao to ngoneoo nanga biaha idadioka ma dorou.” Hokogea inahitiari o demo ma dulu gea.

Efesusu 5:11

Masara ngini ufa ko nianiiki o fufutuoka ma datoro, angamoi gea ma datoro itorou de ka parahaja dika. Ma koaho ngini niahitawange o nyawa manga datoro gea la ka idadi ihioriki abe gea ena ma datoro de ko itiaiua.

Yosua 23:12

“Abe nako nia Jou niwiporetika la nimaketehimoloka de o nyawa gea, abe ka yowangohi de yogogerohi nia hidogoronaka, de ahao Ma Jou ai duduhunu nginika wohikuranga.

Yosua 23:8

Masara kiani niwileleani ti ngini nia Jou, Ma Jou o Yawe. Ngini ka ma dihirainohi de ka hiadono ma oraha naa nianiiki Ma Jou ai behehongo mata-mata abe ngone de Ma Jou homahiketehibehehongoka. De kiani ka ihikaika ngini mata-mata de nia hininga ma gahumu nianiiki ai behehongo gea.”