Yosua 23:14 - Ma Jou ai Demo-demo o Totobelohoka

¹⁴ “Ngohi o Yosua naa ma dekana tinihihira-hira masara ko itedekanokaua de ngohi tohonenge, abe hokogea inadaene ngone mata-mataika o dunia ma lokuoka. Masara naga ma gou-goungu abe duru ibitumoka ti ngini nia hiningaka homoi-homoiika abe duru nihiorikoka Ma Jou o Yawe ai behehongo mata-mata idadioka abe Una winihibehehongoka. Ko moiua ai behehongo la ko idadiua!

Yosua 23:14 ပူးပေါင်းရင်းမြစ်များ

Dodadi 47:29

De ka de wohioriki itigioka ai gahe wohonenge de o Yakubu wibehehongo ai ngofaka o Yusupu la woboa. De wihingahu unangika wato, “Ahi ngofaka o Yusupu, nako noigo nohihisanangi ani babaika kiani nagou-goungu nohihibehehongo ngohino abe ahi gogahoko naa ma baha ngonaika nodiai. De gea togahoko la ahi honenge ufa nohilungunu o Mesiiri ma tonakoka.

1 Kokoano 2:2

De gea una witemo wato, “Ngohi naa ahi gahe itigioka tohonenge, abe hokogea inadaene ngone mata-mataika o dunia ma lokuoka. Ho naa tonihibehehongo tato kiani nomahitomoroini dika de ufa nohawana!

Huhupu 3:8

Mangale gea, Ngohi o Horogaka de tauku touti la ona gea tahihupu o Mesiiri ma nyawa manga kuahaino. De ona tahihupuoka o Mesiirino de ahao Ngohi tao o tonaka moiikali abe duru ilamoko de ma joro duru ikutufuru genangoka. Ho manga inomo duru kohangoe ma tonakoka gea abe tahigogere genangoka. Naga o nyawa utu yogogere o tonakoka gea manga romanga o Kanani ma nyawa, de o Hete ma nyawa, de o Amori ma nyawa, de o Ferisi ma nyawa, de o Hewi ma nyawa, de o Yebusi ma nyawa.

Tobadotoko 9:10

“O karajaanga o kia dika abe naga ani sosawaro de ani tobahioriki genangika de nako ngona nato nokarajaanga, gea nomagawe enangika de nodiai de ani buturungu ma gahumino. Tinihigaro hokogea angamoi ko itedekanua de ahao nomanoa yohone-honenge manga ngioka abe genangoka ko iwa o karajaanga, de ani hidee ma, enangoo ko iwaka, de ngaro ani sosawaro de ani tobahiorikoo ma, ko iwaka o lungunoka.”

Gegetongo 23:19

Abe Ma Jou Una ko o nyawaua ho Una duru ko woelu-elukua, De Una ko o nyawa ma ngofakua ho ai hininga ko waturuurua. To Una ai behehongo mata-mataika wohingodumu, Ho done sarakia ngona nafikiri Una wato naga moi wodiai de ngona nato bote Una ko wodiaiuali? Ena gea abe Ma Jou wato wodiai, Una de ahao kiani wodiai. Ai behehongo o nyawaika duru idadi, de imaketero hoka wotemoka ahao idadi.

Lukasa 21:33

De mangale ma titi to Ngohi ahi demo-demo duru ko iwa ma baha, ho ka idadi nihioriki abe gea ahi demo nginika duru igou-goungu ka hiado-adonika. Angamoi ahao naga ma oraha abe igoungu o dunia naa de o dihangoo duru ko iwaka, masara ahi demo-demo duru itongohono ka hiado-adonika.”

Ibarani 9:27

De ngone hohioriki abe ngone o nyawa homoi-homoi nako nanga bobaha o duniaka adonoka de gea kiani hohonengoka. Masara gea ma moi dika hohonenge, de ipaha ahao Ma Jou wonatailako de wonaurusu ma titi nanga wowango homoi-homoiino.

1 Samuele 3:19

De ipahaino o Samuele ai gurutiye ka idogohi ka hiadono wobaluhiye, de ka ihikaika Ma Jou o Yawe naga widuhunu unangika. Abe Ma Jou wohiaturu la to Una ai hingahu ma demo mata-mata abe o Samuele wohidemo ahao idadi duru imakadaene de abe wotemoka.