Yosua 2:18 - Ma Jou ai Demo-demo o Totobelohoka

¹⁸ abe to ngomi mia duduhunu ma behehongo ngonaika ka idadi, iti ngonaoo nomahitunguu de o bulu ma doka-dokara naa abe minihidoakika. Ho ma oraha ngomi o Isiraele ma nyawa miboa o tonakino naa, de ahao ma bulu ma doka-dokara naa kiani ngona nohilikoika la idideuku ani jendelaino naa. Nako hokogenangua nodiai ani dodunguu de ahao to ngomi mia behehongo ko ilakua ngonaika. De nako ani baba de ngoni meme, de ani ira-iranga de ona utu ani tauoka ko nahingohamua ani tauino naa de gea mia duduhunu ko yadaenua onangika.

Yosua 2:18 ပူးပေါင်းရင်းမြစ်များ

Dodadi 12:2

Ngohi ahao tonihidadi la ngona o nyawa manga ngoe manga dutu, Ho ani totoforauku duru yowoe-woeuku, De tonihidoaka ma owa ngonaika. Todiai la o nyawa manga ngoe inihioriki de inihigiriiri, De ngonaino o nyawa utu ahao yamake ma owa.

Dodadi 7:1

De mata-mata o Nuhi wohidiai ibooto de ahao Ma Jou o Yawe wihingahu o Nuhika wato, “Nuhi, naa ma oraha adonoka abe kiani ngini nikokiwohama ngona de ngoni fekata de ani ngofa-ngofaka de manga feka-fekata. De gea ka idadi ani kapaika niwohama mangale abe nako o nyawa mata-mataika ahi himangoka ma ka to ngonahi ani datoro itiai.

Estere 8:6

De o koano, ngohi duru ko tapoaua nako ahi gogianongoru o Yahudi ma nyawa yadaene de o kokangela kohadorou gea ho duru ona tagahoko la naduhunu.” Hokogea o ngo Estere maagahoko o koanoika.

Huhupu 12:13

De ma titi ti ngini nia domoro o nauru ko tatomaua gea ma titi o domba ma awunu naga nia ngorana ma liateoka. Abe ka de tamake nia dodunguu de Ngohi tinihiorikoka abe ngini, ahi nyawa, naga o tau ma goronaka gea. Abe Ngohi ka de toboa genangino de tamake o domba ma awunu gea de tinitilakuru de ko tinihibinaahaua ma, nako o Mesiiri ma nyawa mata-mataika ahi hohowono gea yadaene.” Hokogea Ma Jou wahingahu onangika.

Lukasa 19:9

Ho ka de o Sakeusu ai demo gea woihene de o Yesusu wotemo wato, “O wange naa Ma Jou ai duduhunu iboaka o tauino naa, angamoi itararono o Sakeusu ai demoino abe una wodadioka o Abarahaama ai ngofaka ma gou-goungu. Abe ma titi una wingaku Ma Jouika imaketero hoka ma dodihiraka nanga tofora o Abarahaama wingaku Unangika.

Hidingoto 10:27

Ho gea woihene de o Koroneliusu womaokoino de yomakoketemo, de ahao yogila-gila doka ma tau ma goronaika abe genangoka ona mata-mata yomatoomuinoka.

Hidingoto 10:33

De ka de toihene ma malaekata ai demo gea de ahi nyawa tahidingotoka la tonibehehongo. De ngohi duru tosanangi de totarimakase ngonaika abe noboaka ahi tauino naa. Ho naa ngomi nenangoka mimatoomuinoka miododamaa Ma Jou ai himangoka la miato ka idadi miihene ma hingahu ma demo abe nanga Baluhu idodutu wonihidoaka ngonaika.”

Hidingoto 11:14

Angamoi una ahao wonihingahu ngonaika abe hokokia ma ngekomo la ngona de ani tau mata-mata ka idadi Ma Jou winiduhunu nia howo-howonino!’”

2 Timotiusu 1:16

Masara nako o Onesiforusu, una ma dihiraino de duru ma ngoe wohilaru ngohino. De ngaro ngohi o bui ma tauoka de ihipakiti ma una ko iwimalekua, masara una ma oraha woboa o Roma ma kotaino naa de gea duru wohilingiri hiadono wohimake la ka idadi wohirekata ngohino de hiadono ahi hininga duru iuwini. Ho naa ngohi duru toigo de tonganono la ahao Ma Jou wabole-bole o Onesiforusu ona o tau moi mangale ma titi abe naa ma duru una ai duduhunu ngohino.

Ibarani 9:19

Abe duru ma dodihiraino de o Musa wadofanga Ma Jou ai Pareta mata-mata o Isiraele ma nyawaika. De gea wadofanga ibooto de ahao wale o hapi ma ngofaka ma awunu de o kabingi ma awunu de gea wohikasapuru de o akere. De ahao o hisopo ma jaga muruono naga de o ngoere ma doka-dokara abe o domba ma gogoino yodiai, de enangoo gea waleino de wapake la ma awunu wohibarihi Ma Jou ai Pareta ma bukuku de ma nyawaikaoo mata-mataika.

Yosua 2:21

De o ngo Rahaba mosanangi manga demoika gea ho mato, “Itiai nia demo, ho ngohi tosanangi dika taniiki nia demo mata-mata.” Ka de hokogea yomakoketemo ibooto de muna mahiguti de yapake ma tali gea la ka idadi ona yahinooto gea yosobo. De gea ipaha de muna mohiliko ma bulu ma doka-dokara ami jendelaika la ami dodunguu gea idideuku doka ma poretuku imaketero hoka ona imihibehehongoka.

Yosua 6:23

Ho ka de o Yeriko ma kota yangohama, de o goduuru yahinooto gea abe ma dihira yatailako manga tonakika gea yaika ami tauika de o ngo Rahaba de ami dutu genangoka yahikokihupu, abe ami baba, de ngomi meme, de ami ira-iranga de ona mata-mata ami gogianongoru abe naga ami tau ma goronaka gea yahikokihupuoka. Masara ona ko idadiua yahikasapuru o Isiraele ma nyawa manga doomu ma goronaika ho yadiai to ona manga ngi moioli abe o Isiraele manga doomu ma ngi ma poretoka de genangoka yangotakika de yahigogere o ngo Rahaba de ami gogianongoru la ma hohutulu yatingakika.

Yosua 6:25

Masara o ngo Rahaba dika abe ami badanga momatobafukunu de ona ami tauoka, de ami gogianongoru utu abe duru ami dutu adaene, ona mata-mata gea ka yowangohi angamoi muna maduhunu o nauru yahinooto gea abe o Yosua wahidingoto o Yeriko ma kotaika la yatailako to ona manga buturungu. Ho muna de ami gogianongoru yogogere o Isiraele ma nyawa manga goronaka ka hiadono o wange naa abe to muna ami ade-ade naa ihitulihuku.