Yosua 11:5 - Ma Jou ai Demo-demo o Totobelohoka

⁵ De hokogea o kokoano de manga tentara yomakodogoino o Meromo ma akeroka la ka idadi yaparangi ka ma moi o Isiraele ma nyawaika.

Yosua 11:5 ပူးပေါင်းရင်းမြစ်များ

2 Samuele 10:15

De o Siria ma nyawa gea ka idadi ihioriki abe nako ona dika ko yakunua yahikala o Isiraele ma nyawaika. Ho ona yahoko manga dodiawo utuoli ko manga ngoe la ka idadi yomakutuono yaparangi o Isiraelika.

Yosua 11:4

De ma kokoano gea yamake ai behehongo ma hurata ipaha de ona mata-mata yahokino manga tentara. De ahao ona yosobo manga ngi homoi-homoioka de yotagi-tagi la mata-mata yomakokitoomuino. De yomatoomuino o ngi moioka de o tentara ma nyawa gea duru ko manga ngoe! De nagali manga kuda de manga goroba parangi duru kohangoe. Ho nako halega-lega onangika de duru ko idadiokaua hamake ma tonaka manga lou ma timiuku angamoi ma tonaka yakokilufungoka. De ona manga ngoe yomaketero hoka o dowongi ma mui ma ngoe o gahi ma ngigorino.

Yosua 11:6

De ahao Ma Jou o Yawe witemo o Yosuaika wato, “Ufa ngona namodongo onangika gea, angamoi itebini adonoka o wange hokonaa de Ngohi tahidoakoka o Isiraele ma tentara manga giamika ho ona yomaketero hoka yohonengoka. De ma oraha gea kiani ngini niahitalo manga kuda mata-mataika, de abe manga goroba parangi gea kiani ngini nikokitufuku hiadono duru youkuoka.”

Yosua 9:2

Ho ma kokoano gea yomatoomuino de yomakoketemo de ipaha yomahiketehibehehongo la ona de manga tentara yomakokuduhunu yaparangi o Yosua de ai tentara o Isiraele ma nyawaika.

Himatoko 16:14

De ma tokata ma dorou o gahumu hange gea naga de ma kuahaka la o heheranga ma dodunguu ka yakunu yodiai. De ena gea isobo itagi o dunia ma amokika la ato yahigaro o kokoano mata-mataika de hiadono yatoomuino o parangi ma ngioka la ahao ka idadi yomakokuduhunu iwikokilawana Ma Jouika. Angamoi ahao naga ma wange adonoka de ahao Ma Jou abe ka to Unangohi ai kuaha duru kohaamoko, Una ahao ai hohowono wahipoha onanguku abe ka iwilawa-lawanohi. De to Una ai Hohowono ma wange gea de ahao yomarihimanga de Ma Jou ona mata-mata abe yomatoomuinoka la yomakokuduhunu iwiparangi Unangika.