Yosua 11:23 - Ma Jou ai Demo-demo o Totobelohoka

²³ De o Yosua de o Isiraele ma nyawa ka ihikaika yomaketeparangi de o nyawa mata-mataika abe yogogere o Kanani ma tonakoka ka hiadono mata-mataika yahikalaka. Angamoi hokogea nengokadauinohi Ma Jou o Yawe wihibehehongo o Musaika wato kiani ona o Isiraele ma nyawali yomahituruuru yogogere o Kanani ma tonakoka. Ho yomahitoonangoo ma tonaka gea de ahao o Yosua wahikodoku la manga dutu yangimoi de yahinootoino homoi-homoiika yamake manga oara ma tonaka genangoka. Hokogea o Yosua o tonaka wahikodoku la gea o Isiraele ma nyawa manga dano-danonguku ka ihikaika idadi to ona manga oara. Ho gea o Isiraele ma nyawa yoriidoka manga tonakoka gea angamoi yoparangi yomahiainoka.

Yosua 11:23 ပူးပေါင်းရင်းမြစ်များ

Huhupu 34:11

De gea ti ngini nia tagongo kiani nihihingounu Ngohino de nianiiki ahi behehongo mata-mataika abe tinihidoaka o wange naa. Abeika ahi duduhunu nginika, Ngohi ahao tahihupu ona mata-mata abe yogogere ma tonakoka gea abe Ngohi tinihidoaka. Ho ngaro o Amori ma nyawa, de o Kanani ma nyawa, de o Hete ma nyawa, de o Ferisi ma nyawa, de o Hewi ma nyawa, de o Yebusi ma nyawa ona mata-mataika ahao Ngohi tahihupu ma tonakino gea.

Higalioli 1:38

Masara ani duduhunu o Yosua abe o Nuunu ai ngofaka, una gea wonituruuru de ka idadi wahihira-hira o Isiraele ma nyawa ma oraha yowohama ma tonakika. Ho irahai ngona nihigaro unangika angamoi una gea abe wahihira-hira ma oraha yowohama de yomahitoona ma tonaka gea.

Yosua 11:18

Masara abe ma oraha ona yomaketeparangi de ma kokoano, gea ko itaitua wahikala masara duru ma dekana waparangi onangika hiadono ka idadi wahikala ona mata-mataika.

Yosua 23:1

De o taongo muruono ipahaika abe Ma Jou o Yawe duru o Isiraele ma nyawa waduhunu hiadono ko yomaketeparangiokaua de manga musu abe yogogere o Kanani ma tonakoka gea. Ho naa adonoka ma oraha o Yosua iwiperekioka.