Yosua 11:2 - Ma Jou ai Demo-demo o Totobelohoka

² De nagali wohidingoto ai hurata o kokoanoika abe yahikoano o loku-lokuoka daukuku, de o kokoanoika abe yahikoano o Yorodani ma dolaka daku o Galilea ma tonaka ma honongaka, de o kokoanoika abe yahikoano o Galilea ma loku-lokuoka. De o kokoano abe yahikoano manga kokawaaha o Gogoronaka ma gahi ma ngigorino abe itigi-tigino de o Doro ma kota, onangikaoo wohidingoto ai hurata.

Yosua 11:2 ပူးပေါင်းရင်းမြစ်များ

1 Kokoano 15:20

De o Bene-Hadada wosanangi o Asa ai behehongika ho to una ai tentara wahuloko yaparangi o Isiraele ma nyawaika. De ona yaparangi o Isiraele ma nyawa manga kota-kotaika hiadono yahikala manga kota iata abe o Iyono ma kota, o Daana ma kota, de o Abe-Bete-Maaka ma kota, de o Kineroto ma kota. Ho naa o kota iata gea de manga tonaka mata-mata imanoa o Bene-Hadada ai giamoka de o Nafatali ma nyawa to onangoo manga tonaka ma gahumu enangoo ai kuahaka imanoa naa.

Gegetongo 34:11

De o Sefamoka de igila-gilaiye o Ribila ma ngioka abe imanoa o Aini ma daaniha. De genangoka de igila-gila akaiyeoli de imakiniiki o Galilea ma ngooto ma ngigorino abe o wange ma hiwaroko idateke.

Lukasa 1:39

Ho ma oraha gea de o ngo Maria momahidiai mato momataiti ngomi gianongoru o ngo Elisabete momitutumu. Ho muna moiki dakuiye o Isiraele ma tonaka ma regu moiikali abe ma romanga o Yudea ma tonaka angamoi o Sakaria ai kapongo naga o loku-lokuoka genangoka.

Lukasa 5:1

De o wange moiukuoli o Yesusu naga o Genesarete ma akere ma ngooto ma ngigorino, abe ma ngooto gea naga ma romanga hinooto, de abe moioli ma romanga o Galilea ma akere ma ngooto. De Una naga ma ngigorino wahingahu-ngahu Ma Jou ai Demo-demo o nyawa yowoe-woeika. Masara ona iwihideefotino la ka idadi yotoihene ai demoino.

Yosua 10:40

De hokogea o Yosua de ai tentara yahikala de yahibinaaha ma tonaka mata-mata gea. Abe ngaro ma loku-lokuoka de ma gogeleforino, de ngaro ma tonaka ma dola-dola de ngaro o Negebe ma tonaka ma kakaaha, masara ma tonakoka mata-mata gea ona yahikalaka hiadono manga kokoano de manga kokawaaha mata-mata yahikokihibinaahaka, ho duru ko iwaka o nyawa genangoka. De hokogea manga hibinaaha angamoi o Yosua de ai tentara duru yaniiki itiai o Isiraele ma nyawa manga Jou o Yawe ai huhuloko ma demo onangika.

Yosua 10:6

Ho ka de o Gibeono ma nyawa yamake abe naga ma tentara ma nyawa ko manga ngoe yoboaino de manga gogahoko ma demo iwihidingoto o Yosuaika abe naga o Gigaloka. De manga demo ma goronaka yotemo ato, “Duru mimagahoko o duduhunu! Ho ufa hiadono ngini niminoaika, ngomi naa abe midadioka ti ngini nia gogilaongo! Angamoi naga o Amori ma nyawa manga kokoano de manga tentara yoboainoka o loku-lokuoka de yaino, de yomakokuduhunu la imibaata ngomino! Ho kiani nimataiti niboaino la nimiduhunu ngomi naa!”

Yosua 11:16

Ho hokogea o Yosua de ai tentara yahikala ma tonaka gea mata-mataika. Abe ngaro ma loku-lokuoka de abe o loku-loku ma timiuku, de ngaro ma tonaka daukuku de abe dakuiye, de abe o Gosene ma kapongoka de ma tonaka ma kakaaha abe daku o Gosene ma honongaiye, de ngaro o Yorodani ma akere ma dola, masara gea mata-mata ona duru yahikala.

Yosua 11:21

De hokogea idadi abe ma oraha o Yosua de ai tentara yabaata de duru yahibinaaha o Anaka ma nyawa de manga totoforauku abe ma dihiraino yogogere o loku-lokuoka. Abe ngaro o Anaka ma nyawa abe yogogere o Heboronoka de o Debiroka de o Anaboka, de ngaro ona abe yogogere o Yehuda de o Isiraele ma loku-loku mata-mataika, masara o Yosua de ai tentara yakokihohonenge onangika. De manga kota-kotaoo duru ihibinaahaka.

Hihira 1:27

De nako o Manase ma nyawa manga tonakoka, ona ko yahikalaua ma kota-kota abe ma romanga o Bete-Seana de o Tanaka de o Doro de o Yibileama de o Megido. De ngaro ma kapo-kapongo abe naga ma kota gea ma digi-digino masara enangoo o Manase ma nyawa ko yahikalaua. Angamoi o Kanani ma nyawa abe yogogere manga ngi homoi-homoioka gea duru yomaribuutu la ka idadiohi yomanoa manga ngioka.