Yosua 10:43 - Ma Jou ai Demo-demo o Totobelohoka

⁴³ De gea mata-mata ipahaino de ahao o Yosua de o Isiraele ma nyawa manga tentara mata-mata ona yokokilio manga doomu ma ngiika abe o Gigala ma ngioka.

Yosua 10:43 ပူးပေါင်းရင်းမြစ်များ

Yosua 10:15

De hokogea ipahaino de ahao o Yosua de o Isiraele ma nyawa gea mata-mata yokokilio manga doomu ma ngiika abe o Gigaloka.

Yosua 10:42

Abe o Yosua de ai tentara ma nyawa yahikala ma kokoano de ma tonaka mata-mata gea abe manga dodagi moioka dika. De to ona manga hiakunu la ka idadi yahikala hokogea duru ihititi manga Jou o Yaweoka, angamoi Una duru waduhunu ai nyawaika ma oraha ona yaparangi o homoa ma nyawaika.

Yosua 11:1

De ipahaino de o abari abe ma titi o Isiraele manga lolaku imahiadono o nyawa abe yogogere daukuku. De genangoka naga o kota moi ma romanga o Hasoro, de to ona manga koano o Yabini. Ho ma oraha ma koano gea yoihene ma abari de wohidingoto o behehongo ma hurata ai dodiawo yamuruonika abe onangoo homoi-homoi yahikoano manga kokawaaha. Abe gea wohidingoto o Madono ma kota manga koanoika ai romanga o Yobaba, de o Simirono ma kota de o Aksafa ma kota manga kokoanoika.

Yosua 4:19

De ma wange gea yowohama o Kanani ma tonakika duru adaene manga taongo ma mede duru ihira, de o mede gea ma tanggala ngimoiuku de o Yorodani ma akerika yomahihora de ahao yomahiaini o ngi moi abe ahao ona ihiromanga o Gigala. De ma ngi gea ma tonakoka abe idolaika o Yeriko ma dola ma honongaka abe idateke o wange ma hiwariha.

1 Samuele 11:14

De ahao manga baluhu o Samuele wahingahu o Isiraele ma nyawaika wato, “Irahai ngone homatoomuinoli o Gigaloka la ka idadi hodiai ma dodunguu abe o Saulu wodadi nanga koano ma gou-goungu abe hokogea to ngone mata-mata nanga hininga.”