Yosua 10:24 - Ma Jou ai Demo-demo o Totobelohoka

²⁴ De yaoino de o Yosua wahuloko ai tentara ma hohidimono yamuruono naga wato, “Ngini niboaino de niadoko o kokoano naa manga tomara homoi-homoiuku.” Ho ona yoboa de yodiai duru imaketero hoka ai huhuloko ma demo gea.

Yosua 10:24 ပူးပေါင်းရင်းမြစ်များ

2 Samuele 22:39

Duru tahikala onangika hiadono ko yomomikokaua, abe ona gea yorubaka ahi louoka de ko yakunokaua yomaokoino.

2 Samuele 22:41

Abe Ngona nahiaturu la ahi musu yomadogilioro de yoara, ho ona abe ihidohata, gea ona duru tahikalaka.

Higiriiri 107:40

Ho Ma Jou o Yawe duru ko wadosanangiua manga hihiraika gea, Ho wadogopoa o himaleke onanguku hiadono wahidadi, La ona gea yodadioka yopoparadidu ma nyawa o tonaka ma kakaahaka.

Higiriiri 18:40

Abe Ngona nahiaturu la ahi musu yomadogilioro de yoara, ho ona abe ihidohata, gea ona duru tahikalaka.

Higiriiri 91:13

De abe ma oraha nimarihimanga de o singa eko de o dodiha ma biha, masara ka idadi niadoko dika ho niahikala enangika.

Maleaki 4:3

De ma wange gea ngini ka idadi duru niahikala o dorou ma nyawaika hiadono ngini niadoko-doko onanguku hoka ona o tonaka ma kuhuhunu dika.” Hokogea Ma Jou o Yawe Wokokurutiye ai higaro ma demo onangika.

Roma 16:20

De nanga Jou abe wonahidoaka ngoneino o hininga ma miriidi, Una gea ko itedekanokaua de o Ibilihi ma haeke ma kuaha wawederoka la to ena ma kuaha ko ilakuokaua ti ngini nia wowangoka. De naa ngohi tinigahoko la ahao nanga Baluhu idodutu o Yesusu ai owa winihidoaka nginika.

Higalioli 33:29

Ho ngini naa o Isiraele ma nyawa nia hiowa duru kohangoe niamakeoka! De ngaro o nyawa mata-mataika masara ka ngini dika abe Ma Jou o Yawe winiduhunu nginika, ho ka ti nginiohi nia utumu duru ilago-agomo abe nako de o nyawa utu mata-mata! Abe Una ma hirete wodadioka ti ngini nia dadatoko, de ka idadi hihiromanga hato Una hoka nia humaranga abe duru ka ihikaika itobalaku! Ho hiadono nia musu ka yomaponuku dika nia himangoka ma titi manga modongo, de ngini ka idadi niadoko-doko onanguku angamoi ona duru yokalaka.” De hokogea dika aika o Musa ai hiowa ma demo o Isiraele ma nyawa mata-mataika abe ma oraha itigioka ai wowango ma baha.

Ibarani 1:13

De naga moiohi Ma Jou ai demo abe ma dodihiraino wotemo ai Ngofakika wato, “Naino nogogere ahi nirakoka la Ngone hohikoano mata-mataika ka hiadono ani musu onangoo duru naga manga hingounu Ngonaika.” Hokogea ma dodihiraino o Baba ai demo ai Ngofakika. Ho naa tonaleha, ho sarakia, naga Ma Jou ai demo abe hokogea ma dumutu ai malaekatika? Duru ko iwa!

Hihira 8:20

Ka de hokogea o Gideono wotemo ibooto de womaleloro ai ngofaka o Yeterika, abe una o Gideono ai ngofaka o riaka, de wihuloko unangika wato, “Yetere, ngona natomaka dika!” Masara o Yetere ka o ngofakohi de wohawana ho ai dia ko wahiatua ma harumino.